Mumbai water supply: मुंबईकरांसाठी येत्या सोमवारी आणि मंगळवारी मोठी गैरसोय निर्माण होणार आहे. कारण, मुंबई महानगरपालिकेने शहरातील महत्त्वाच्या जलवाहिन्यांचे काम हाती घेतले असून, या देखभाल आणि कनेक्शन प्रक्रियेदरम्यान अनेक भागात तब्बल 30 तास पाणीपुरवठा पूर्णपणे बंद राहणार आहे. त्यामुळे नागरिकांनी पाण्याचा साठा करणे, त्याचा काटकसरीने वापर करणे आणि अनावश्यक वापर टाळणे अत्यावश्यक ठरणार आहे.
महानगरपालिकेकडून देण्यात आलेल्या प्राथमिक माहितीनुसार, घाटकोपर परिसरातील अमर महल बोगद्याशी जोडणीसाठी 3000 मिमी व्यासाच्या मुख्य पाइपलाइनवर मोठे तांत्रिक काम केले जाणार आहे. हे काम 1 डिसेंबर रोजी सकाळी दहा वाजता सुरू होऊन 2 डिसेंबर रोजी दुपारी चार वाजेपर्यंत सुरू राहील. या काळात काही वॉर्डस्मध्ये केवळ पाणीपुरवठाच नाही तर काम संपल्यानंतरही काही तास कमी दाबाने पाणी मिळण्याची शक्यता आहे.
या कामाचा सर्वाधिक परिणाम दक्षिण मुंबई आणि मध्य मुंबई क्षेत्रांवर होणार आहे. पालिकेच्या ए, बी, सी, ई, एफ दक्षिण आणि एफ उत्तर वॉर्डमध्ये पूर्णपणे नळ कोरडे राहणार आहेत. भायखळा, मुंबई सेंट्रल, वरळी, सायन, वडाळा, शिवडी, नागपाडा अशा भागातील नागरिकांना पाणीपुरवठ्याचे नियोजन करावे लागणार आहे.
पूर्व उपनगरातील परिस्थितीही साधारण अशीच राहणार आहे. कुर्ला, चेंबूर, गोवंडी, देवनार, चूनाभट्टी, घाटकोपर, विक्रोळी आणि भांडुप येथील काही भागांत पाणीपुरवठा संपूर्णपणे थांबणार आहे, तर काही ठिकाणी अत्यंत कमी दाबाने पाणी मिळेल. या भागातील रहिवाशांनी लवकरात लवकर साठवणुकीची व्यवस्था करणे आवश्यक आहे.
महानगरपालिकेच्या जलविभागाने स्पष्ट केले आहे की हे काम शहराच्या दीर्घकालीन पाणीपुरवठा व्यवस्थेची गुणवत्ता वाढवण्यासाठी अत्यंत आवश्यक आहे. पाइपलाइनची कनेक्शन प्रक्रिया पुढे ढकलणे शक्य नसून, भविष्यात पाणीपुरवठा अधिक सुरळीत आणि दाबाने होण्यासाठी हे काम महत्त्वाचे आहे. मोठ्या लोकसंख्येच्या शहरात एकदा अशा प्रकारच्या जलवाहिनीच्या दुरुस्तीसाठी पाणी बंद करणे अपरिहार्य असल्याचे अधिकाऱ्यांनी सांगितले.
पालिकेने नागरिकांना आवाहन केले आहे की, या दोन दिवसांच्या कामासाठी आवश्यक ते बदल आपल्या दैनंदिन शेड्यूलमध्ये करावेत. शक्य असल्यास घरगुती पाणी वापर कमी करावा, धुणी-भांडी, वाहन धुणे, बागेला पाणी देणे यांसारख्या कामांना तात्पुरती मर्यादा घालावी. रुग्णालये, व्यावसायिक इमारती आणि हॉटेल्सनाही विशेष सूचना देण्यात आल्या आहेत.
काम पूर्ण झाल्यानंतर पाणीपुरवठा हळूहळू सुरळीत होईल, परंतु नागरिकांनी काही तास कमी दाबासाठी mentally तयारी ठेवावी. पालिकेचे म्हणणे आहे की हे काम पूर्ण झाल्यानंतर संबंधित परिसरातील पाणीपुरवठा मागील काळापेक्षा अधिक सक्षम होईल.
एकूणच, मुंबईतल्या अनेक भागांमध्ये 30 तासांचा पाणीपुरवठा खंडित राहणार असल्यामुळे नागरिकांना गंभीर तयारी करण्याची गरज आहे. बीएमसीने वॉर्डनिहाय माहिती प्रसिद्धपत्रकात दिली असून नागरिकांनी ती वेळेवर तपासावी, असे आवाहन करण्यात आले आहे.
