मुंबईमधील वाहतुकीला गती देण्यासाठी नरिमन पॉइंट ते कांदिवली दरम्यान 29 कि.मी. लांबीचा मुंबई किनारा रस्ता प्रकल्प उभारण्याचा निर्णय घेण्यात आला असून हा प्रकल्प उभारणे शिवसेना पक्षप्रमुख उद्धव ठाकरे यांचे स्वप्न आहे.मुंबईच्या या कोस्टल रोडला आता स्थायी समितीने मंजुरी दिली आहे. या प्रकल्पाला सर्व पक्षांच्या सदस्यांनी पाठिंबा दर्शवला.
पुढील 4 वर्षांत हा प्रकल्प पूर्ण होणार आहे. या प्रकल्पाची मूळ किंमत 8 हजार कोटी आहे, तर कर जोडून प्रकल्पाची किंमत 12 हजार कोटींवर पोहचली आहे. या प्रकल्पाचं कंत्राट ‘एल अँड टी’ आणि ‘हिंदुस्तान कन्स्ट्रक्शन’ या कंपनीकडे देण्यात आलं आहे.
उद्धव ठाकरे यांनी 2013 पासून याबाबत पाठपुरावा केला होता. याबाबत मुंबई महापौर, आयुक्त यांनी केंद्रीय मंत्री नितिन गडकरी यांच्याकडे पाठपुरावा केला होता. मुंबईसाठी अतिशय महत्त्वपूर असलेल्या कोस्टल रोडला अखेर मंजुरी मिळाल्यानं उद्धव ठाकरे यांनी राज्य तसंच केंद्र सरकारचे आभार मानले असल्याची प्रतिक्रिया आमदार डॉ. नीलम गोऱ्हे यांनी दिली आहे.
वाहतूक कोंडी फुटणार
नरिमन पॉईंट ते कांदिवली – 29 कि.मी. सागरी मार्ग
