पश्चिम बंगाल विधानसभा निवडणुकीच्या पार्श्वभूमीवर राजकीय वातावरण तापलेले असताना पहिल्या टप्प्यातील मतदान यशस्वीरित्या पार पडले आहे. आता दुसऱ्या टप्प्यासाठी 29 एप्रिल 2026 रोजी मतदान होणार असून सर्वच पक्षांनी प्रचाराची गती वाढवली आहे. या पार्श्वभूमीवर नरेंद्र मोदी हे पश्चिम बंगाल दौऱ्यावर असून भारतीय जनता पक्ष च्या प्रचारात सक्रिय भूमिका बजावत आहेत.
शुक्रवारी (दिनांक 24 एप्रिल 2026) रोजी सकाळी पंतप्रधान मोदी यांनी हुगळी नदी काठी वेळ घालवत स्थानिक नागरिकांशी संवाद साधला. कोलकाता येथे त्यांनी हुगळी नदीच्या तीरावर काही क्षण व्यतीत करून स्वतः त्या परिसराचे छायाचित्रण केले आणि त्या अनुभवाचे फोटो सोशल मीडिया प्लॅटफॉर्म ‘एक्स’वर शेअर केले. या भेटीत त्यांनी सकाळी फिरायला आलेल्या नागरिकांशी तसेच नाविकांशी संवाद साधत त्यांच्या कष्टाचे कौतुक केले.
मोदी यांनी त्यांच्या संदेशात गंगेचे सांस्कृतिक आणि भावनिक महत्त्व अधोरेखित केले. “प्रत्येक बंगालीच्या मनात गंगेला अत्यंत खास स्थान आहे. गंगा ही बंगालच्या आत्म्यात वाहते, असे म्हणणे वावगे ठरणार नाही. गंगेचे पवित्र जल आपल्या संपूर्ण सभ्यतेची शाश्वत चेतना पुढे नेत असते,” असे त्यांनी नमूद केले. तसेच हुगळी नदीकाठी घालवलेला वेळ हा ‘मातेप्रती कृतज्ञता व्यक्त करण्याचा क्षण’ असल्याचेही त्यांनी सांगितले.
প্রত্যেক বাঙালির কাছে গঙ্গা একটি অত্যন্ত বিশেষ স্থান অধিকার করে আছে। বলা যায়, গঙ্গা যেন বাংলার আত্মার মধ্য দিয়ে প্রবাহিত হয়। পবিত্র গঙ্গা জল সমগ্র সভ্যতার চিরন্তন চেতনা বহন করে চলেছে। আজ সকালে কলকাতায় আমি হুগলি নদীর তীরে কিছু সময় কাটিয়েছি—মা গঙ্গার প্রতি কৃতজ্ঞতা প্রকাশের… pic.twitter.com/P3oZOywjKf — Narendra Modi (@narendramodi) April 24, 2026
यावेळी त्यांनी नाविकांच्या अथक परिश्रमांचे विशेष कौतुक करत, “नाविकांचे कष्ट खरोखरच प्रशंसनीय आहेत,” असे म्हटले. हुगळीच्या तीरावर उभे राहून पश्चिम बंगालच्या विकासासाठी आणि बंगाली समाजाच्या समृद्धीसाठी काम करण्याच्या त्यांच्या वचनबद्धतेचा त्यांनी पुनरुच्चार केला.
दरम्यान, पश्चिम बंगाल विधानसभा निवडणुकीचा पहिला टप्पा नुकताच पार पडला असून दुसऱ्या टप्प्यातील मतदान 29 एप्रिल 2026 रोजी होणार आहे. या निवडणुकीत सर्वच पक्षांनी जोरदार शक्तिप्रदर्शन सुरू केले असून प्रचार शिगेला पोहोचला आहे.
या निवडणुकीची मतमोजणी 4 मे 2026 रोजी होणार असून त्यादिवशी निकाल जाहीर होणार आहेत. त्यामुळे पुढील काही दिवस राज्यातील राजकीय घडामोडी अधिकच रंगत जाण्याची शक्यता आहे.
হুগলী তীরের আরো কিছু ছবি। এই পুণ্যতোয়া গঙ্গার ছবি তোলার একটু চেষ্টা করলাম। খুব কাছ থেকে বিদ্যাসাগর সেতু আর হাওড়া ব্রীজও দেখলাম। pic.twitter.com/sfDcbiMIkl — Narendra Modi (@narendramodi) April 24, 2026
