भारताचे राष्ट्रपती कोण ठरणार? थोड्याच वेळात होणार मतमोजणीला सुरूवात

जय महाराष्ट्र न्यूज, नवी दिल्ली

भारताचे राष्ट्रपती कोण होणार, याची उत्सुकता देशवासियांना लागली आहे. सकाळी 11 वाजल्यापासून मतमोजणीला सुरुवात होणार आहे. त्यानंतर संध्याकाळी 5 वाजेपर्यंत संपूर्ण निकाल स्पष्ट होईल.

राष्ट्रपतीपदासाठी एनडीएचे उमेदवार रामनाथ कोविंद आणि यूपीएच्या उमेदवार मीरा कुमार यांच्यात लढत आहे. 776 खासदार आणि 4 हजार 120 आमदारांच्या एकूण मतांचं मूल्य 10 लाख 98 हजार 882 इतकं आहे आणि विजयासाठी कोविंद यांना फक्त 5 लाख 49 हजार 442 मतं गरजेची आहेत. त्यामुळे आता विक्रमी मतदानासह कोविंद जिंकतात का, हे पाहणं औत्सुक्याचं ठरणार आहे.