जय महाराष्ट्र न्यूज, पुणे
थंडीचा कडाका राज्यभर सर्वत्रच वाढलेला आहे. मात्र, याच वाढत्या धुक्यामुळे कर्जत-पुणे-कर्जत ही पॅसेंजर गाडी उद्या आणि गुरुवारी रद्द करण्यात आलीय.
मुंबई मंडळात धुक्याचे प्रमाण वाढलंय. यामुळे पुणे-कर्जत मार्गावर धावणा-या दोन पॅसेंजर रद्द करण्यात आल्या आहेत.
त्यामध्ये पुणे रेल्वे स्थानकावरून सकाळी 11.15 वाजता सुटणारी गाडी क्रमांक 51318 पुणे-कर्जत पॅसेंजर गाडी रद्द करण्यात आलीय.
तसेच कर्जत रेल्वे स्थानकावरून दुपारी 03.10 वाजता सुटणारी गाडी क्रमांक 51317 कर्जत-पुणे पॅसेंजर गाडी रद्द करण्यात आली आहे.
रेल्वेकडून होत असलेल्या गैरसोयीबद्दल दिलगिरी व्यक्त करत नागरिकांनी याची नोंद घ्यावी असे आवाहन भारतीय रेल पुणे विभाग कडून करण्यात आले आहे.
