दक्षिण पूर्व दिल्लीतील अमर कॉलनीमध्ये एका वरिष्ठ आयआरएस अधिकाऱ्याच्या मुलीच्या हत्येप्रकरणी आरोपी राहुल मीना याला पोलिसांनी 22 एप्रिल रोजी दर्शन द्वारका येथून अटक केली. पोलिसांनी रात्री उशिरा आरोपीची चौकशी केली आणि राहुलने केलेले खुलासे ऐकून दिल्ली पोलिसांचे अधिकारी केवळ हादरलेच नाहीत, तर संतापानेही पेटून उठले.
आरोपी राहुलला माहित होते की मुलीचे आईवडील सकाळी व्यायामशाळेत गेले होते. राहुलला इमारतीची, कुलूपं कुठे आहेत आणि ती कशी उघडायची यासह, संपूर्ण माहिती होती. सकाळी, राहुल इमारतीत शिरला आणि थेट मुलीच्या अभ्यासाच्या खोलीत गेला, जी घराच्या छतावर स्वतंत्रपणे होती. ती मुलगी यूपीएससी परीक्षेची तयारी करत होती. तिच्या आईवडिलांनी तिला दररोज सकाळी लवकर अभ्यास सुरू करण्यास सांगितले होते, असे सांगण्यात आले. आरोपी थेट तिच्या अभ्यासाच्या खोलीत गेला आणि तिचा गळा दाबून तिला ताब्यात घेण्याचा प्रयत्न केला. जेव्हा तिने प्रतिकार केला, तेव्हा त्याने जवळच्या लॅम्पने तिच्यावर हल्ला केला. यामुळे तिच्या डोक्यातून रक्तस्त्राव झाला आणि ती बेशुद्ध पडली. ती बेशुद्ध असताना त्याने तिच्यावर बलात्कार केला आणि नंतर मोबाईल चार्जरच्या केबलने तिचा गळा दाबून तिला ठार मारले.
आता, आरोपी राहुलला घरात दरोडा टाकायचा होता, पण लॉकर फक्त अंगठ्याच्या ठशानेच उघडता येत होता. म्हणून, त्याने मुलीला अभ्यासिकेतून ओढत जिन्यावरून खाली आपल्या खोलीत नेले. मुलीच्या रक्ताने माखलेल्या बोटाने लॉकरला स्पर्श केला, पण ते उघडले नाही. या हल्ल्यामुळे तिच्या शरीरातील रक्तप्रवाह थांबला असावा आणि तिचे हात रक्ताने माखले होते. यामुळेच कदाचित लॉकर उघडले नाही. पोलिसांच्या मते, तोपर्यंत मुलीचा मृत्यू झाला असावा.
राहुलने सांगितले की, यानंतर आरोपीने दमून मुलीचा मृतदेह जमिनीवर टाकला आणि स्क्रू ड्रायव्हरने लॉकर उघडला. त्याने त्यातील रोकड आणि दागिने काढून घरात ठेवलेल्या एका बॅगेत भरले. त्याची पॅन्ट आणि बूट रक्ताने माखलेले असल्याने त्याने ते काढून कपाटातून मुलीच्या भावाची पॅन्ट आणि चप्पल घातली. यानंतर तो घटनास्थळावरून पळून गेला.
