Home Insurance: सोमवारी सकाळी दिल्ली-एनसीआरमध्ये भूकंपाचे धक्के जाणवले. यापूर्वी देखील दिल्लीत अनेक वेळा भूकंपाचे धक्के जाणवले आहेत. भूकंप, पूर, भूस्खलन यासारख्या नैसर्गिक आपत्ती कधीही आणि कुठेही येऊ शकतात. या आपत्तींमुळे अनेक ठिकाणी खूप नुकसान होते. यात घरांचे मोठ्या प्रमाणात नुकसान होते. नैसर्गिक आपत्तींमुळे तुमच्या घराचे काही नुकसान झाले तर गृह विमा त्याची भरपाई करतो. आजकाल लोक गृहकर्ज विम्याबद्दल खूप जागरूक झाले आहेत. परंतु, अनेकदा लोक गृहविमा घेत नाहीत. मात्र, गृह विम्याचे सर्व फायदे आणि त्याशी संबंधित इतर महत्त्वाच्या गोष्टी येथे जाणून घेऊयात…
गृह विम्याचे प्रकार –
गृह विम्याचे दोन प्रकार आहेत. एक म्हणजे घरासाठी सुरक्षा कवच आणि दुसरे म्हणजे घरात ठेवलेल्या वस्तूंसाठी सुरक्षा कवच. गृह विम्याला स्ट्रक्चर इन्शुरन्स कव्हर म्हणतात. पूर, भूकंप, आग आणि वीज यासारख्या नैसर्गिक आपत्तींमुळे किंवा चोरी, दरोडा आणि दंगल यासारख्या कारणांमुळे घराचे नुकसान झाल्यास स्ट्रक्चर विमा उपयुक्त ठरतो.
हेही वाचा – पंतप्रधान आवास योजनेचा लाभ कोणाला मिळत नाही? जाणून घ्या महत्त्वाच्या अटी!
कंटेंट इन्शुरन्स (Content Insurance) –
आणखी एक प्रकार म्हणजे कंटेंट इन्शुरन्स. हा विमा इलेक्ट्रॉनिक उत्पादने, फर्निचर, दागिने आणि इतर मौल्यवान वस्तूंसारख्या घरगुती वस्तूंना कव्हर देते. जर तुम्हाला तुमच्या घराच्या सुरक्षिततेसाठी आणि घरात ठेवलेल्या वस्तूंच्या सुरक्षिततेसाठी कव्हर हवे असेल तर तुम्ही कॉम्प्रिहेन्सिव्ह होम इन्शुरन्सचा पर्याय देखील निवडू शकता. यामध्ये, दोघांचेही कव्हरेज एकत्र उपलब्ध असेल.
घराचा विमा का घ्यावा?
घराचा विमा घेणे बंधनकारक नाही. परंतु, देशाच्या विविध भागात ज्या प्रकारे वेळोवेळी पूर, भूकंप, भूस्खलनाच्या घटना घडतात, त्यामुळे घरांचे खूप नुकसान होते. अशा परिस्थितीत, व्यापक गृह विमा खूप उपयुक्त ठरू शकतो. नैसर्गिक आपत्तींचा धोका जास्त असलेल्या ठिकाणी गृह विमा खूप उपयुक्त ठरू शकतो. याशिवाय आग, वीज पडणे, चोरी, दरोडा आणि दंगली यासारख्या परिस्थितींचाही समावेश आहे. गृह विम्याचा उद्देश कठीण काळात तुमच्या भांडवलाचे संरक्षण करणे आहे.
हेही वाचा – शेतकऱ्यांसाठी खूशखबर! मोदी सरकारने पुढील आर्थिक वर्षापर्यंत 'या' योजनेला दिली मुदतवाढ
गृह विम्याचे प्रीमियम किती आहे?
कोणत्याही प्रकारची योजना निवडण्यापूर्वी, तुमच्या गरजा काय आहेत हे जाणून घेणे तुमच्यासाठी महत्त्वाचे आहे. कोणतीही योजना गरजेनुसार निवडली पाहिजे. जर तुम्हाला हे समजत नसेल, तर तुम्ही या बाबतीत आर्थिक तज्ञ किंवा विमा एजंटचा सल्ला देखील घेऊ शकता. तुमची परिस्थिती, घर आणि स्थान इत्यादींचे योग्य मूल्यांकन केल्यानंतर ते तुमच्यासाठी सर्वोत्तम योजना सुचवू शकतात.
