वृत्तसंस्था, गोरखपूर
उत्तरप्रदेशातील गोरखपूरच्या बाबा राघवदास रूग्णालयात मागील 48 तासात 30 बाळांचा मृत्यू झाल्याची धक्कादायक घटना समोर आली आहे. 30 पैकी 15 लहान मुले महिन्याभरापेक्षा कमी वयाची होती. तर इतर 15 पैकी 6 मुलांचे वय 1 महिन्यापेक्षा जास्त होते. बुधवार मध्यरात्र ते शुक्रवार मध्यरात्र या 48 तासांच्या कालवाधीत हे मृत्यू झाल्याचे स्पष्ट केलंय.
उत्तर प्रदेशातील याच बीआरडी मेडिकल कॉलेजमध्ये ऑगस्ट महिन्यात मेंदूज्वर झालेल्या बाळांना ऑक्सिजनचा पुरवठा न झाल्याने अनेक मुलांचा मृत्यू झाला होता. मात्र, एवढी मोठी दुर्घटना घडूनही या रूग्णालयाने काहीही धडा घेतला नसल्याचे या घटनेतून पुन्हा एकदा समोर आले आहे.
