काँग्रेसनं कर्नाटक विधानसभा निवडणुकीसाठी त्यांच्या उमेदवारांची पहिली यादी जाहीर केली आहे. काँग्रेसनं उमेदवारांची नावं जाहीर केली आहेत. कर्नाटकात विधानसभेच्या एकूण २२४ जागा आहेत. सध्या कर्नाटकात भाजपची सत्ता आहे. काँग्रेसला पुन्हा एकदा कर्नाटक सरकारमध्ये परतण्याची आशा आहे. गेल्या १२४ विधानसभा निवडणुकीत भाजप हा सर्वात मोठा पक्ष ठरला होता, पण बहुमतासाठी तो कमी पडला होता. यानंतर राज्यात काँग्रेस आणि जेडीएस आघाडीनं सरकार स्थापन केलं. मात्र, हे युतीचं सरकार ५ वर्षे टिकू शकलं नाही आणि भाजप पुन्हा सत्तेत आलं.
कर्नाटक विधानसभेसाठी काँग्रेसकडून अनेक इच्छुक उमेदवार होते. मात्र, काँग्रेसने कर्नाटकचे मुख्यमंत्री सिद्धरामय्या यांना वरुणा मतदारसंघातून आणि ज्येष्ठ नेते डीके शिवकुमार यांना कनकापूरमधून उमेदवारी दिली आहे. याशिवाय रामदुर्गमधून अशोक एम, हुक्केरीतून ए.बी.पाटील आणि खानापूरमधून डॉ.अंजली काँग्रेसकडून रिंगणात असतील.
काँग्रेसने पुन्हा एकदा नेत्यांच्या मुलांना उमेदवारी दिली आहे. जमखंडीमधून आनंद न्यामागौडा, बबलेश्वरमधून एम.बी. पाटील, चितापुरामधून मल्लिकार्जुन खरगे यांचा मुलगा प्रियांक खरगे, चिंचोलीमधून सुभाष राठौर, गुलबर्गा उत्तरमधून कनिज फातिमा, कोप्पलमधून के राघवेंद्र, हुबळी धारवाड पूर्वमधून प्रसाद आणि सागरमधून गोपालकृष्ण हे काँग्रेसचे उमेदवार असतील.
