जय महाराष्ट्र न्यूज, मुंबई
कर्जमाफीसाठी मराठवाड्यातील 13 लाख 10 हजार 272 शेतकर्यांनी आतापर्यंत आपले ऑनलाइन अर्ज दाखल केले आहेत. छत्रपती शिवाजी महाराज सन्मान योजनेद्वारे कर्जमाफीसाठी ऑनलाईन अर्ज भरण्यास 24 जुलैपासून सुरुवात झाली आहे. या योजनेसाठी कर्जमाफीचे अर्ज भरताना सर्व्हर जाम होणे, इंटरनेट कनेक्शन नसणे, आधार कार्डशी मोबाइल क्रमांक लिंक नसणे यासारख्या कारणांमुळे शेतकर्यांना इंटरेट कॅफेसमोर उभे राहावे लागत आहे. सातत्याने संकटाचा सामना करणाऱ्या मराठवाड्यातील शेतकऱ्यांना या कर्जमाफीचा लाभ मिळेल अशी आशा आहे.
आतापर्यंत ऑनलाईन भरलेल्या अर्जाचा आकडा –
औरंगाबाद – 2 लाख, 8 हजार 848
जालना – 2 लाख, 16 हजार 851
हिंगोली – 97 हजार 319
परभणी – 1 लाख, 11 हजार 530
नांदेड – 1 लाख, 98 हजार 922
बीड – 1 लाख, 81 हजार 394
उस्मानाबाद – 1 लाख, 19 हजार 170
लातूर – 1 लाख, 76 हजार 238
