पुणे : पुण्यातील प्रसिद्ध आणि 12 ज्योतिर्लिंगपैकी एक असलेलं श्री क्षेत्र भीमाशंकर देवस्थान प्रशासनाने महत्त्वाचा निर्णय घेतला आहे. मंदिर प्रशासन आणि जिल्हा प्रशासनाच्या बैठकीत आता व्हीआयपी दर्शन बंद होणार असल्याचा निर्णय घेण्यात आला. शासकीय अधिकारी, लोकप्रतिनिधी किंवा इतर कोणत्याही व्हीआयपी व्यक्तीसाठी स्वतंत्र दर्शन व्यवस्था उपलब्ध राहणार नाही, असे त्यांनी स्पष्ट केले. तसेच सर्व भाविकांना एकाच नियमातून दर्शनाची सुविधा मिळणार आहे. दर्शन व्यवस्थेत समानता आणि पारदर्शकता आणण्याच्या उद्देशाने हा निर्णय लागू करण्यात आला. सध्या 24 तारखेपर्यंतचे सर्व ॲानलाईन बुकिंग स्लॉट भरले असून भाविकांनी किमान दोन दिवस अगोदर ऑनलाईन बुकिंग करूनच दर्शनासाठी यावे, असे आवाहन देवस्थान प्रशासनाकडून करण्यात आले. याबाबतची माहिची भीमाशंकर देवस्थानचे मुख्य विश्वस्त मधुकर गवांदे यांनी दिली.
