जय महाराष्ट्र न्यूज, चंद्रपूर, परभणी आणि लातूर
चंद्रपूर, परभणी आणि लातूर महानगरपालिकांच्या सार्वत्रिक निवडणुकांसाठी आज मतदानाला सुरुवात झाली आहे.
201 जागांसाठी 1 हजार 285 उमेदवार निवडणूक रिंगणात असून आहेत. एकूण 7 लाख 92 हजार 720 मतदारांसाठी 1 हजार 19 मतदान केंद्रांची व्यवस्था करण्यात आली आहे. तसेच विदर्भातील वाढलेल्या तापमानामुळे मतदानाची वेळ 1 तासाने वाढवण्यात आली आहे.
राज्याचे अर्थमंत्री सुधीर मुनंगटीवार, केंद्रीय राज्यमंत्री हंसराज आहिर, माजी मुख्यमंत्री विलासराव देशमुख यांचे पुत्र आमदार अमित देशमुख, भाजप नेते संभाजी निलंगेकर-पाटील या दिग्गज नेत्यांची प्रतिष्ठापणाला लागली आहे.
निवडणुकीच्या पार्श्वभूमीवर तिन्ही शहरात कडेकोट बंदोबस्त ठेवण्यात आला आहे. या तिन्ही महापालिकांमध्ये सकाळी 7.30 ते संध्याकाळी 6.30 या वेळेत मतदान होणार आहे.
