जय महाराष्ट्र न्यूज, पुणे
पिंपरी चिंचवडमध्ये रिंग रोड बाधितांनी मुख्यमंत्री फडणवीस यांचा ताफा अडवण्याचा प्रयत्न केला.
विविध विकासकामांच्या उद्घाटनासाठी मुख्यमंत्री शनिवारी पिंपरी- चिंचवडमध्ये आले होते. मुख्यमंत्र्यांना निवेदन देण्यासाठी आंदोलनकर्ते भोसरीत दाखल झाले होते.
पोलिसांनी कार्यक्रम संपल्यानंतर मुख्यमंत्र्यांना निवेदन देण्याची वेळ दिली. मात्र, कार्यक्रम संपल्यानंतरही मुख्यमंत्र्यांना भेटू न दिल्यानं आंदोलनकर्त्यांनी सभागृहाचा गेट
अडवून धरला. त्यानंतर त्यांना निवेदन देण्यासाठी सभागृहात सोडण्यात आले.
मात्र, सभागृहाबाहेर पडताच आंदोलनकांनी मुख्यमंत्र्यांचा ताफा अडवण्याचा प्रयत्न केला.
