हिमाचल प्रदेश आणि उत्तराखंडच्या डोंगराळ भागात मुसळधार पावसामुळे लोकांच्या समस्यांमध्ये वाढ झाली आहे. हिमाचल प्रदेशातील शिमलामध्ये ढगफुटी झाल्याने मोठं नुकसान झालं आहे. हिमालचमधील सोलन आमि हमीरपूरमध्ये रविवारी ढगफुटी झाल्यामे पूरसृश्य परिस्थिती निर्माण झाली. शिमला, मंडी आणि कुल्लूमध्ये जोरदाप पावसामुळे घडलेल्या दुर्घटनांमध्ये दोन जणांचा मृत्यू झाला आहे. तर उत्तराखंडमध्ये अनेक ठिकाण भूस्खलन झालं आहे. यामुळे खबरदारीचा उपाय म्हणून सोनप्रयाग येथे केदारनाथ यात्रा थांबवण्यात आली आहे.
हिमाचल प्रदेशात मुसळधार पावसामुळे स्थानिकांसह पर्यटकांनाही अडचणींचा सामना करावा लागला आहे. शिमल्याच्या रामपूर तालुक्यातील सरपारा गावात ढगफुटीमुळे मोठं नुकसान झालं आहे. कुल्लूमध्ये मुसळधार पावसामुळे मोहल खड्यात अचानक पूर आला आणि अनेक वाहनांचं नुकसान झालं. जेसीबीच्या साहाय्याने नुकसान झालेली वाहने बाहेर काढण्यात आली आहेत.
