जय महाराष्ट्र न्यूज, मुंबई
चर्चगेट स्थानक बॉम्बने उडवू अशी धमकी देणारा निनावी फोन आल्यानंतर चर्चगेट स्थानकाच्या सुरक्षेत वाढ करण्यात आली. रेल्वे पोलीस आणि रेल्वे सुरक्षा दलाचे पथक स्थानकाच्या परिसरात तैनात करण्यात आले.
निनावी फोन आल्यानंतर चर्चगेट स्थानकाची कसून तपासणी करण्यात आली. यावेळी लोकलमध्ये एका बेवारस पिशवीत टेडी बेअर असल्याचं उघड झालं. या घटनेने चर्चगेट स्थानकातील प्रवाशांमध्ये काही काळ गोंधळाचे वातावरण होते. दरम्यान, आरपीएफच्या हेल्पलाईनवर कुठून फोन आला याचा तपास सुरु आहे.
