वृत्तसंस्था, नवी दिल्ली
अध्यात्मिक संत ‘भैय्यूजी महाराज’ यांनी इंदूरमधील अपल्या राहत्या घरी स्वत:वर गोळी झाडून आत्महत्या केली आहे. इंदूरमधील बॉम्बे रुग्णालयात त्यांनी अखेरचा श्वास घेतला. भैय्यूजी महाराजांच्या या अकाली निधनाने सर्वांनाच धक्का बसला आहे.
भैय्यूजी महाराजांच्या पार्थिवावर आज अंत्यसंस्कार होणार असून सकाळी 9 ते साडेबारा वाजेपर्यंत त्यांचं पार्थिव सूर्योद्य आश्रमात अंत्यदर्शनासाठी ठेवण्यात येणार आहे.
मृत्यूपूर्वी भैयू महाराजांनी इंग्रजी भाषेत एक पानी सुसाईड नोट लिहिली होती. सुसाईड नोट सापडली असून, आपल्या आत्महत्येला कुणालाही जबाबदार न धरण्याचे त्यांनी सुसाईड नोटमध्ये लिहिले आहे.
कुटुंबाची काळजी कुणीतरी घ्या. ताण असह्य झाला आहे. खूप थकलोय. मी सोडून जात आहे, असे भय्यू महाराज यांनी सुसाईड नोटमध्ये म्हंटले आहे.
