मुंबई महानगर प्रदेश परिवहन प्राधिकरणाचा निर्णय: टॅक्सी-रिक्षाच्या भाड्यात वाढ
मुंबई : महानगर प्रदेश परिवहन प्राधिकरणाची शुक्रवारी बैठक झाली. या बैठकीत प्रवासी भाडे वाढ करण्याचा निर्णय घेण्यात आला. हा प्रस्ताव महाराष्ट्र राज्य मार्ग परिवहन महामंडळ म्हणजेच MSRTC ने मांडला होता आणि त्याला मंजुरी देण्यात आली. यामुळे आजपासून ऑटो-टॅक्सी भाडे वाढ लागू झाली आहे.
टॅक्सी आणि रिक्षा भाड्यात वाढ
प्राधिकरणाच्या निर्णयानुसार, काळी-पिवळी टॅक्सी भाड्यात वाढ करण्यात आली आहे. दीड किलोमीटर प्रवासासाठी आधी २८ रुपये आकारले जात होते, ते आता ३२ रुपये झाले आहेत. ऑटोरिक्षा प्रवास देखील महाग झाला असून, दीड किलोमीटरसाठी आधी २३ रुपये असलेले भाडे आता २६ रुपये इतके झाले आहे. यामुळे प्रवाशांना अतिरिक्त खर्चाचा भार सहन करावा लागणार आहे.
?? हे देखील वाचा : सत्तेत येताच विकासाला प्राधान्य, नितेश राणेंची ठेकेदारांना कडक सूचना
बस भाड्यातही वाढ, मात्र महिलांसाठी दिलासा
यापूर्वी बस भाडे देखील वाढवण्यात आले होते. मात्र महाराष्ट्र परिवहन मंत्री यांनी सांगितले आहे की, महिलांना निम्म्या दरात तिकीट उपलब्ध करून देण्यात येणार आहे. तसेच, वृद्ध नागरिकांसाठी मोफत प्रवास योजनेत कोणताही बदल करण्यात आलेला नाही. त्यामुळे वृद्ध प्रवासी याच सुविधेचा लाभ घेऊ शकतील.
प्रवाशांची प्रतिक्रिया
या भाडेवाढीमुळे सर्वसामान्य नागरिकांवर आर्थिक ताण येणार असल्याची चिंता प्रवाशांनी व्यक्त केली आहे. आधीच महागाईचा सामना करत असलेल्या नागरिकांसाठी हा निर्णय त्रासदायक ठरणार आहे, असे अनेक प्रवाशांचे म्हणणे आहे.
?? जय महाराष्ट्र न्यूजच्या थेट संपर्कात राहण्यासाठी व्हॉट्सअप चॅनेल वर क्लिक करा.
