मनसे अध्यक्ष राज ठाकरे यांच्यावर गुन्हा दाखल करण्यात आला आहे. औरंगाबादेतील सिटी चौक पोलिसांनी राज ठाकरेंविरोधात कारवाई केली आहे. औरंगाबाद सभेत पोलिसांनी त्यांना १६ अटी शर्थीचं पालन करण्याचं बजावलं होतं. मात्र, त्यातील १२ अटींचं उल्लंघन केल्याप्रकरणी राज ठाकरेंवर गुन्हा दाखल करण्यात आला आहे.
दरम्यान, राज ठाकरेंवर आजच कारवाई होणार असल्याची माहिती पोलीस महासंचालकांनी दिली आहे. तसेच मनसेच्या १५ हजार कार्यकर्त्यांवर प्रतिबंधात्मक कारवाई करण्यात आली आहे. तसेच १३ हजार लोकांना नोटीस पाठवण्यात आली असल्याची माहिती पोलीस महासंचालकांनी दिली आहे. तर एसआरपीएफच्या ८७ तुकड्या आणि ३० हजारांपेक्षा जास्त होमगार्ड तैनात करण्यात आले असल्याचे पोलीस महासंचालकांनी सांगितले आहे.
