उकाडा वाढला, नागरिक त्रस्त

पुणे, २९ एप्रिल २०२४, प्रतिनिधी : हवामान विभागाच्या अंदाजानुसार कोकण किनारपट्टीसह राज्याच्या बहुतांश भागांत रविवारी उष्णतेची लाट परतली. अनेक भागांत कमाल तापमानाचा पारा ३५ ते ४० अंशांच्या वर गेल्यामुळे काहिली वाढली. उन्हाळ्याच्या सुट्टीत अनेकांची आवडती थंड हवेची ठिकाणे, महाबळेश्वर आणि माथेरानमध्येही उकाडा वाढल्यामुळे शनिवारी-रविवारी तेथे गेलेल्यांची निराशा झाली. पुढील तीन दिवस राज्यात तापमान वाढण्याचा अंदाज हवामान विभागाने वर्तविला आहे