छत्रपती संभाजीनगर, २१ एप्रिल २०२४, प्रतिनिधी : लोकसभा निवडणुकीची आचारसहिंता लागू होताच छत्रपती संभाजीनगर शहरासह ग्रामीण पोलीसांनी कडक बंदोबस्तासह राजकीय पक्षांचे होर्डिग्ज, बँनर्स,जाहिरातीवर कारवाई करीत ते काढून घेण्यात आले. धुळे -सोलापूर राष्ट्रीय महामार्गावरील पाचोड पोलीस ठाण्याच्या हद्दीत मुख्य रस्त्यावर चेकपोस्ट लावून वाहनांची कसून झडती घेण्यात येत आहे. लोकसभा निवडणुकीच्या पार्श्वभूमीवर बनावट चलनी नोटा, देशी-विदेशी मद्य व हत्यारे आदींची तस्करी मोठ्या प्रमाणात होण्याची शक्यता गृहीत धरुन खबरदारीचा उपाय म्हणून जिल्हा पोलीस अधीक्षक मनीष कालवणिया यांच्या मार्गदर्शनाखाली जिल्हाभरात कडक पोलीस बंदोबस्त लावण्यात आला.
