जमिनीच्या वादातून कोयत्याने हल्ला

छत्रपती संभाजीनगर, २१ मार्च २०२४, प्रतिनिधी : छत्रपती संभाजीनगर जिल्हयातील पैठण तालुक्यातील वडवाळी येथे जमिनीच्या वादातून पुतण्यांनी चुलत्याच्या डोक्यात कोयत्याने वार केल्याची धक्कादायक घटना समोर आली आहे. पुतण्याने चुलत्यावर कोयत्याने वार केल्यानंतर चुलतभाऊ व भांडण सोडविण्यासाठी गेलेल्या ट्रॅक्टर चालकालाही बेदम मारहाण केल्याची घटना घडली आहे. याप्रकरणी पैठण पोलिस ठाण्यात चौघांवर गुन्हा दाखल करण्यात आला असून दोन आरोपींना अटक करण्यात आली आहे.