नागपूर, ११ मार्च २०२४, प्रतिनिधी : महाराष्ट्रातील शक्तिपीठ महामार्गासाठी भूसंपादन सुरू झाले आहे. बाजारभावाच्या तिप्पट भाव देऊन सरकार शेतकऱ्यांकडून जमीन खरेदी करत आहे. समृद्धी महामार्गाच्या धर्तीवर शक्तिपीठ महामार्ग बांधण्याची घोषणा उपमुख्यमंत्री देवेंद्र फडणवीस यांनी केली आहे. शासनाच्या घोषणेनुसार ८०५ किमी लांबीचा ग्रीनफिल्ड महामार्ग नागपूर ते गोवा असा आहे. हा महामार्ग वर्धा जिल्ह्यातून सुरू होऊन यवतमाळ, नांदेड, धाराशिवमार्गे सिंधुदुर्ग येथे संपेल.
शक्तिपीठ महामार्गासाठी राज्य सरकार आठ हजार हेक्टर भूसंपादन करणार आहे. राष्ट्रीय महामार्ग रिअल इस्टेट कायद्यांतर्गत ही प्रक्रिया सुरू आहे. राज्य सरकार शक्तिपीठ महामार्गासाठी ८६ हजार कोटी रुपये खर्च करणार आहे. या महामार्गाचे भूमिपूजन २०२५ मध्ये होणार असून २०२३० मध्ये तो सर्वसामान्यांसाठी खुला करण्यात येणार आहे. सध्या नागपूरहून गोव्याला जाण्यासाठी रस्त्याने १८ तास लागतात, मात्र शक्तिपीठ महामार्गाच्या निर्मितीनंतर हा प्रवास केवळ आठ तासांवर येणार आहे.
