१ फेब्रुवारी २०२४, प्रतिनिधी: हिवाळ्याच्या हंगामात वाढलेली मागणी आणि आंतरराष्ट्रीय बाजारपेठेतील किमतींवर परिणाम झाल्याने एलपीजी सिलिंडरच्या किमतीत १४ रुपयांनी वाढ करण्यात आली आहे. १९ किलोग्रॅमच्या व्यावसायिक सिलिंडरच्या किमतीत ही वाढ करण्यात आली आहे. घरगुती एलपीजी गॅस सिलिंडरच्या किंमतीत कोणताही बदल करण्यात आलेला नाही.
व्यावसायिक गॅस सिलिंडरचे नवीन दर गुरुवारपासून लागू होणार आहेत. गेल्या महिन्यातही तेल कंपन्यांनी व्यावसायिक गॅस सिलिंडरच्या किमती १.५० रुपयांनी वाढवल्या होत्या. दिल्लीत व्यावसायिक सिलिंडरच्या किमतीत वाढ झाल्यानंतर तो १७६९.५० रुपयांवर पोहोचला आहे. कोलकातामध्ये १९ किलोच्या व्यावसायिक गॅस सिलेंडरची किंमत १८८७ रुपयांवर पोहोचली आहे. मुंबईत १७२३.५० रुपये तर चेन्नईमध्ये व्यावसायिक गॅस सिलेंडरची किंमत १९३७ रुपयांवर पोहोचली आहे.
