विमानात वैमानिकाला चोपले

नवी दिल्ली, १५ जानेवारी २०२४, प्रतिनिधी : धुक्यामुळे दिल्लीत उतरणाऱ्या आणि दिल्लीतून उड्डाण करणार असलेल्या विमानांना विलंब होण्याच्या घटना वारंवार घडत आहेत. रविवारी पण धुक्यामुळे दिल्ली – गोवा विमानाच्या उड्डाणाला विलंब झाला. या विलंबामुळे संतापलेल्या एका प्रवाशाने वैमानिकाला चोपले. ही घटना इंडिगो कंपनीच्या दिल्ली – गोवा विमानात घडली. या प्रकरणी कंपनी प्रशासनाने तक्रार केली आहे. विमानतळावरील पोलिसांनी वैमानिकाला चोपणाऱ्या प्रवाशाला ताब्यात घेतले आहे.