नवाब मलिक यांच्यावर कारवाई करण्यात आली. आता माझ्यावर कारवाई केली जात आहे. यानंतर काँग्रेस नेते अस्लम शेख यांच्यावर कारवाई होईल, असे भाजप नेते किरीट सोमय्या यांनी म्हटले आहे. राष्ट्रवादीचे नेते आणि माजी मंत्री हसन मुश्रीफ यांच्या घरावर ईडीने छापा टाकला आहे. भाजप नेते किरीट सोमय्या यांनी माजी मंत्र्यावर घोटाळ्याचा आरोप केला आहे. किरीट सोमय्या यांनी हसन मुश्रीफ यांच्यावर १५८ कोटींचा घोटाळा केल्याचा आरोप केला आहे. महाविकास आघाडीच्या काळात उद्धव ठाकरे मुख्यमंत्री असताना त्यांनी मुश्रीफांना वाचवण्याचा प्रयत्न करण्यात आला होता, असा दावाही किरीट सोमय्या यांनी केला.
किरीट सोमय्या म्हणाले की, विविध साखर कारखान्यांमध्ये घोटाळे झाले असून हे सर्व घोटाळे एकमेकांशी जोडलेले आहेत. हसन मुश्रीफच नाही तर अनिल परब आणि त्यानंतर अस्लम शेख यांचाही नंबर येणार आहे.
तसेच “कोल्हापूरची देवी माँ महालक्ष्मी आज माझ्यावर प्रसन्न झाली आहे. मला आठवते की 28 सप्टेंबरला मी कोल्हापुरला जाणार होतो. मग त्यावेळी हसन मुश्रीफ, तत्कालीन गृहमंत्री दिलीप वळसे पाटील, शरद पवार, अजित पवार, उद्धव ठाकरे यांनी मला कोल्हापुरात जाऊ दिले नाही. पण आज महालक्ष्मीने मला आशीर्वाद दिला. हसन मुश्रीफ यांची उलटी गिनती सुरू झाली असल्याचं किरीट सोमय्या म्हणाले.
