मुंबई : गेल्या काही वर्षांपासून प्रेक्षकांच्या मनावर राज्य करणाऱ्या पुष्पा: द राइज नंतर आता पुष्पा 2: द रूल प्रेक्षकांच्या भेटीला येण्यासाठी सज्ज झाला आहे. सुकुमार दिग्दर्शित हा ॲक्शन चित्रपट 5 डिसेंबर रोजी प्रदर्शित होणार आहे. अल्लू अर्जुनने साकारलेली पुष्पा राज ही भूमिका आणि रश्मिका मंदान्ना आणि फहद फासिलसह त्यांच्या शैलीदार संवादांनी प्रेक्षकांची मनं जिंकली होती. आता या दुसऱ्या भागासाठी मोठ्या अपेक्षा व्यक्त केल्या जात आहेत.
पुष्पा 2 ने अर्जुनला केवळ सुपरस्टार बनवलं नाही तर भारतीय सिनेसृष्टीतील सर्वाधिक मानधन घेणारा अभिनेता म्हणूनही त्याचं नाव चमकवलं आहे. या चित्रपटासाठी अल्लू अर्जुनला तब्बल 300 कोटी रुपये मानधन मिळालं आहे, ज्यामुळे त्याने शाहरुख खान आणि थलपथी विजय यांनाही मागे टाकलं आहे.
रश्मिका मंदान्ना, जी श्रीवल्लीची भूमिका साकारत आहे, तिला पहिल्या भागाच्या तुलनेत मानधनात मोठी वाढ मिळाली असून तिला 10 कोटी रुपये देण्यात आले आहेत. तिची भूमिका फहद फासिलला 8 कोटी, तर श्रीलीलाला तिच्या गाण्यासाठी 2 कोटी रुपये देण्यात आले.
पुष्पा 2: द रूल हा चित्रपट केवळ कथेसाठी नव्हे, तर त्याच्या भव्यतेसाठीही चर्चेत आहे. त्यामुळे आता गुलदस्त्यात असलेल्या या चित्रपटाच्या कहाणीचा प्रेक्षक कधी आस्वाद घेणार याची उत्सुकता त्यांना लागली आहे. अल्लू अर्जुनचा उत्कृष्ट अभिनय, रश्मिका आणि फहदची दमदार साथ आणि भव्य ॲक्शन सीन यामुळे हा चित्रपट प्रेक्षकांना एक अविस्मरणीय अनुभव देईल, अशी आशा आहे.
