मुंबई: काल Women’s Premier League (WPL) अंतर्गत मुंबई इंडियन्स आणि दिल्ली कॅपिटल मध्ये झालेल्या सामन्यात मुंबई इंडियन्सची सुरुवातच धडाकेबाज झाली. कर्णधार हरमनप्रीत कौरने मैदानाच्या चहुबाजूला फटकेबाजी करत नाबाद 74 धावांची ‘चाबूक’ खेळी साकारली. तिला अनुभवी नॅट सायव्हर ब्रँटने 70 धावांची मोलाची साथ दिली. या दोघींच्या अर्धशतकी तडाख्यामुळे मुंबईने निर्धारित 20 षटकांत चार विकेटच्या मोबदल्यात 195 धावांचे विशाल लक्ष्य दिल्ली कॅपिटल समोर ठेवले. दिल्लीकडून नंदिनी शर्माने सर्वाधिक दोन बळी घेतले, मात्र ती मुंबईची धावगती रोखण्यात अपयशी ठरली.
A captain's knock! ? Mumbai Indians skipper Harmanpreet Kaur is the Player of the Match for her top-notch innings of 7⃣4⃣*(42) ? Scorecard ▶️ https://t.co/aVKBHVKp7c #TATAWPL | #KhelEmotionKa | #MIvDC pic.twitter.com/kerAc3TV1w — Women's Premier League (WPL) (@wplt20) January 10, 2026
196 धावांच्या विशाल लक्ष्याचा पाठलाग करताना दिल्ली कॅपिटल्सची अवस्था ‘ये रे माझ्या मागल्या’ अशी झाली. कर्णधार म्हणून आपला पहिलाच सामना खेळणाऱ्या जेमिमाह रॉड्रिग्सला मुंबईच्या रणनीतीसमोर हार मानावी लागली. दिल्लीची फलंदाजी इतकी पत्त्यांसारखी कोसळली की, त्यांना 20 षटकेही पूर्ण खेळता आली नाहीत. अवघ्या 10 षटकांच्या आसपास (145 धावांवर) दिल्लीचा संपूर्ण संघ तंबूत परतला. मुंबईच्या गोलंदाजांनी दिल्लीच्या फलंदाजांना खेळपट्टीवर पाय रोवूच दिले नाहीत.
दिल्लीकडून केवळ चिनेल हेन्रीने एकाकी झुंज दिली. तिने 33 चेंडूत पाच षटकार आणि तीन चौकारांच्या मदतीने 56 धावांची आक्रमक खेळी केली. मात्र, तिला दुसऱ्या टोकाकडून अपेक्षित साथ मिळाली नाही.
A convincing victory ? Harmanpreet Kaur-led Mumbai Indians bounce back with a massive 5⃣0⃣-run victory ? Scorecard ▶️ https://t.co/aVKBHVKp7c #TATAWPL | #KhelEmotionKa | #MIvDC pic.twitter.com/W2S5eYyDNa — Women's Premier League (WPL) (@wplt20) January 10, 2026
चिनेलचा अपवाद वगळता एकाही फलंदाजाला दोन अंकी धावांचा टप्पा ओलांडता आला नाही, तर चार फलंदाज तर दुहेरी धावसंख्याही गाठू शकले नाहीत. मुंबईच्या निकोला केरी आणि अमेलिया केर या ‘स्पिन-पेस’ जोडीने प्रत्येकी 3 विकेट्स घेत दिल्लीचा कणा मोडला.
अष्टपैलू नॅट सायव्हर ब्रँटने फलंदाजीनंतर चेंडूनेही आपली जादू दाखवली आणि दोन महत्त्वाचे बळी टिपले. तिला संस्कृती गुप्ता आणि शबनीम इस्माईल यांनी प्रत्येकी एक बळी घेत उत्तम साथ दिली. अशाप्रकारे फलंदाजी आणि गोलंदाजी अशा दोन्ही आघाड्यांवर वर्चस्व गाजवत मुंबई इंडियन्सने 50 धावांनी दणदणीत विजय नोंदवला. या विजयामुळे मुंबईने गुणतालिकेत आपले खाते उघडले असून प्रतिस्पर्धी संघांना धोक्याचा इशारा दिला आहे.
