चांगले आरोग्य आणि तेजस्वी चेहरा हवा असेल, तर दररोज सकाळी योग्य व्यायाम करणे खूप महत्त्वाचे आहे. सकाळच्या ताज्या हवेत केलेला व्यायाम शरीराला स्फूर्ती देतो, त्वचेला नैसर्गिक चमक आणतो आणि मानसिक शांतता मिळवून देतो.

चेहऱ्यावर तेज आणि शरीर तंदुरुस्त ठेवण्यासाठी हे 5 उत्तम व्यायाम:

1.सूर्यनमस्कार 
सूर्यनमस्कार हा सर्वांगसुंदर व्यायाम आहे. शरीरातील रक्ताभिसरण सुधारतो, त्वचा निरोगी राहते आणि चेहऱ्यावर तेज येते. दररोज किमान 10 सूर्यनमस्कार करावेत.

2.प्राणायाम आणि दीप श्वसन 
कपालभाती, अनुलोम-विलोम आणि भस्त्रिका यांसारख्या प्राणायामामुळे फुफ्फुसांची कार्यक्षमता सुधारते. शरीरात ऑक्सिजनचा योग्य पुरवठा होऊन त्वचेला नैसर्गिक चमक येते.

जय महाराष्ट्र न्यूजच्या थेट संपर्कात राहण्यासाठी  व्हॉट्सअप चॅनेल वर क्लिक करा.

3.जॉगिंग किंवा वॉकिंग 
सकाळी ३० मिनिटे वेगाने चालणे किंवा हलके धावणे (जॉगिंग) केल्यास शरीर तंदुरुस्त राहते. रक्ताभिसरण सुधारल्यामुळे त्वचेवर ताजेतवानेपणा दिसतो.

4.फेस योगा आणि मसाज 
चेहऱ्याचे स्नायू मजबूत करण्यासाठी फेस योगा फायदेशीर आहे. ओंकार जप, स्मित हास्य आणि हळुवार मसाज केल्याने त्वचेतील चमक वाढते.

5.योगासन आणि स्ट्रेचिंग 
ताडासन, भुजंगासन, पवनमुक्तासन यांसारखी योगासने शरीरातील जडत्व कमी करतात, पचन सुधारतात आणि त्वचेला नैसर्गिक तेज देतात.

अन्न आणि पाणी यांची जोड महत्त्वाची
व्यायामासोबत पुरेशी झोप, सकस आहार आणि भरपूर पाणी पिणे गरजेचे आहे. हिरव्या पालेभाज्या, फळे आणि ड्रायफ्रूट्स खाल्ल्यास त्वचा उजळते.

नियमित व्यायाम करा आणि निरोगी राहा
सकाळी केवळ 30-45 मिनिटे योग्य व्यायाम केल्यास शरीर मजबूत राहते, चेहऱ्यावर नैसर्गिक तेज येते आणि दिवसभर ऊर्जावान वाटते.