मुंबई : वैद्यकीय शिक्षण विभागाच्या अखत्यारीतील आठ शासकीय रुग्णालयांमध्ये आता हृदयविकारांवर अत्याधुनिक उपचार मिळणार आहेत. याकरिता रुग्णालयांच्या हृदयविकार विभागात कार्डियाक इलेक्ट्रोफिजियोलॉजी (ईपी) लॅब तयार करण्यात येणार आहे. यामुळे हृदयविकाराच्या काही उपचारांकरिता रुग्णांना इतर रुग्णालयात जावे लागणार नाही. वैद्यकीय शिक्षण विभागाने ३९ कोटी ८० लाखांचा निधी मंजूर केला आहे.
