बाजारातून आणलेले अन्न-पदार्थ, भाज्या-फळांचा टवटवीतपणा टिकून राहण्यासाठी बऱ्याचदा आपण त्यांना फ्रिजमध्ये ठेवतो. तेथील थंड वातावरणामुळे सर्व गोष्टी फ्रेश राहतील, असा आपला गैरसमज असतो. मात्र काही पदार्थ असे आहेत जे फ्रीजमध्ये ठेवल्याने उलट त्यांची चव, पोत आणि पौष्टिकता बिघडते. जाणून घेऊया असे कोणते पदार्थ आहेत जे चुकूनही फ्रीजमध्ये ठेवू नयेत.
1. टोमॅटो –
फ्रीजच्या थंड हवेमुळे टोमॅटोचा नैसर्गिक स्वाद निघून जातो आणि ते पीठूळ लागतात. टोमॅटो नेहमी खोलीच्या तापमानात ठेवावेत.
2. केळी –
केळी फ्रीजमध्ये ठेवल्यास त्याची साल लवकर काळी पडते आणि पिकण्याची प्रक्रिया थांबते. कच्ची केळी असतील तर ती कधीच फ्रीजमध्ये ठेवू नका.
3. बटाटा –
बटाटा फ्रीजमध्ये ठेवल्याने त्यातील स्टार्चचे साखरेत रूपांतर होते, ज्यामुळे चव गोडसर होते आणि आरोग्यासाठीही चांगले नाही.
4. कांदा आणि लसूण –
कांदा-लसूण फ्रीजमध्ये ठेवल्यास त्याला ओलावा लागतो आणि ते लवकर बुरशीयुक्त होतात. त्यांना हवेशीर टोपलीत ठेवा.
5. मध –
मध कधीच खराब होत नाही, पण फ्रीजमध्ये ठेवल्याने तो घट्ट होतो आणि त्यातील स्फटिक तयार होतात.
6. ब्रेड –
ब्रेड फ्रीजमध्ये ठेवल्याने तो लवकर कोरडा आणि कडक होतो. ब्रेड 2-3 दिवसात संपवायचा असेल तर बाहेरच ठेवा.
7. कॉफी पावडर –
कॉफी फ्रीजमध्ये ठेवल्याने ती आजूबाजूच्या पदार्थांचा वास शोषून घेते, ज्यामुळे तिचा खरा सुगंध निघून जातो.
त्यामुळे पुढच्या वेळी फ्रीजमध्ये सामान भरताना हे पदार्थ बाहेरच ठेवा, जेणेकरून त्यांची चव आणि गुणवत्ता टिकून राहील. आहारामध्ये याचा वापर करताना तुमच्या शरीराला कोणताच धोका निर्माण होणार नाही.
Disclaimer: ही बातमी सामान्य माहितीवर आधारित आहे. अधिक माहितीसाठी तज्ज्ञांचा सल्ला घ्या.
