Beauty Tips: हिवाळ्यात बहुतेक लोकांची त्वचा कोरडी होते. अशा परिस्थितीत लोक त्यांच्या त्वचेला मॉइश्चरायझ करण्यासाठी अनेक पद्धती वापरून पाहतात, पण त्वचेचा कोरडेपणा जात नाही. हिवाळ्यात कोरड्या त्वचेचे मुख्य कारण म्हणजे बाहेरच्या आणि आतल्या वातावरणात ओलावा नसणे. थंड हवा, घरातील हिटर, गरम पाण्याने आंघोळ, साबणांचा वापर आणि शरीरात नैसर्गिक तेलांची कमतरता यांसारखे अनेक घटक एकत्रितपणे त्वचा कोरडी करतात. पण या सर्वांव्यतिरिक्त, तुमचा आहार कसा आहे? याचाही तुमच्या त्वचेवर परिणाम होतो. कोणत्या व्हिटॅमिनच्या कमतरतेमुळे आपली त्वचा कोरडी होते ते जाणून घेऊया.
कोणत्या जीवनसत्वाच्या कमतरतेमुळे त्वचा कोरडी होते?
हिवाळ्यात व्हिटॅमिन ए, सी आणि ई च्या कमतरतेमुळे त्वचा कोरडी होऊ शकते. म्हणून, या पोषक तत्वांनी समृद्ध आहार घ्या. तुमच्या आहारात गाजर, रताळे, अंडी, काजू, लिंबूवर्गीय फळे आणि हिरव्या पालेभाज्यांचा समावेश करा.
हिवाळ्यात त्वचेची काळजी कशी घ्यावी?
हायड्रेटेड रहा : उन्हाळ्याच्या तुलनेत हिवाळ्यात तहान कमी लागते. यामुळे अनेकदा डिहायड्रेशन होते. पण, तुमची त्वचा हायड्रेट ठेवण्यासाठी पुरेसे पाणी पिणे अत्यंत महत्वाचे आहे. म्हणून भरपूर पाणी प्या.
हेही वाचा: Winter Skincare: महागड्या क्रीम्स सोडा, घरच्या 4 उपायांनी त्वचा होईल मऊ आणि तजेलदार
तुमच्या त्वचेची काळजी घ्या : अंघोळीनंतर आणि झोपण्यापूर्वी तुमच्या त्वचेला मॉइश्चरायझर लावा. तीळ तेल आणि नारळ तेल यांसारख्या नैसर्गिक तेलांमुळे त्वचेचा ओलावा टिकून राहतो. ग्लिसरीन असलेली उत्पादने वापरा. ग्लिसरीन त्वचेचा ओलावा वाढविण्यास मदत करू शकतो.
सूर्यप्रकाश घ्या: हिवाळ्यातील व्हिटॅमिन डीच्या कमतरतेवर मात करण्यासाठी, दररोज सकाळी सुमारे 15-30 मिनिटे उन्हात घालवा, कारण यावेळी सूर्यप्रकाश घेणे, सर्वात फायदेशीर असते. सुर्यप्रकाश घेताना सनस्क्रीन लावू नका आणि सूर्यप्रकाशाच्या थेट संपर्कात येण्यासाठी तुमची मान, खांदे, छाती आणि पाठ उघडी ठेवा.
(Disclaimer: ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.)
