Zaheer Khan Become Father: क्रिकेटच्या विश्वातून एक मोठी बातमी समोर येत आहे. टीम इंडियाचा माजी वेगवान गोलंदाज झहीर खान आता पालक बनला आहे. 46 वर्षीय माजी क्रिकेटपटूने इंस्टाग्रामवर पत्नी सागरिका घाटगे आणि बाळासोबतचा एक फोटो शेअर केला. फोटोच्या कॅप्शनमध्ये त्याने त्याच्या मुलाचे नावही सांगितले आहे. ज्यामध्ये लिहिले आहे, ‘देवाच्या प्रेमाने आणि आशीर्वादाने, आम्ही आमच्या प्रिय लहान मुलाचे (फतेह सिंग खान) स्वागत करतो.’ झहीर खानच्या या पोस्टमुळे या गोंडस जोडप्याला अभिनंदनाचे संदेश येऊ लागले आहेत. त्याच्या पोस्टवर त्याला केवळ क्रीडा जगतातूनच नाही तर बॉलिवूड जगतातूनही प्रेम मिळत आहे.
हेही वाचा – Zaheer Khan Purchase Apartment In Mumbai: झहीर खानने मुंबईत खरेदी केले 11 कोटी रुपयांचे आलिशान अपार्टमेंट
बुधवारी, सागरिका घाटगे आणि झहीर खान यांनी एक इंस्टाग्राम पोस्ट शेअर केली ज्यामध्ये त्यांनी ते एका बाळाचे पालक झाल्याचे उघड केले. तसेच या पोस्टमध्ये असे सांगण्यात आले होते की, बाळाचे नाव फतेहसिन खान आहे. समोर आलेल्या खास ब्लॅक अँड व्हाईट फोटोमध्ये, झहीर बाळाला मांडीवर घेऊन बसलेला दिसत आहे, तर सागरिका सोफ्याच्या कडेला बसलेली आहे. पुढच्या फोटोमध्ये दोघेही बाळाचा हात धरलेले दिसत आहेत.
हेही वाचा – Champions Trophy 2025: हेच ४ संघ पोहोचणार सेमीफायनलमध्ये, दिग्गजांचा अंदाज
सागरिका घाटगे आणि झहीर खान यांनी 2016 मध्ये युवराज सिंग आणि हेजल कीच सिंगच्या लग्नादरम्यान त्यांचे नाते सार्वजनिक केले होते. त्यानंतर एका वर्षानंतर, 2017 मध्ये दोघांनीही लग्न केले. या लग्नात अंगद बेदीने मॅचमेकरची भूमिका साकारली होती. आता लग्नाच्या 8 वर्षांनंतर दोघेही पालक झाले आहेत आणि यासोबत त्यांचे कुटुंब पूर्ण झाले आहे.
