Waqf Board Property: आज लोकसभेत वक्फ दुरुस्ती विधेयकावर चर्चा सुरू आहे. देशभरातील नागरिकांचे लक्ष आता या विधेयकाकडे लागले आहे. भारतात, रेल्वे आणि संरक्षण मंत्रालयानंतर, सर्वात जास्त जमीन वक्फ बोर्डाच्या मालकीची आहे. अल्पसंख्याक कल्याण मंत्रालयाने डिसेंबर 2022 मध्ये लोकसभेत यासंदर्भात माहिती दिली होती. या माहितीनुसार, वक्फ बोर्डाकडे 8,65,644 स्थावर मालमत्ता आहेत. अंदाजे 9.4 लाख एकर वक्फ जमिनीची अंदाजे किंमत 1.2 लाख कोटी रुपये आहे. एक गैर-सरकारी संस्था म्हणून, वक्फकडे देशात सर्वात जास्त जमीन आहे.
वक्फ बोर्डाकडे इतकी जमीन आहे की दिल्लीसारखी तीन शहरे बांधता येतील. या वक्फ बोर्डाशी संबंधित कायद्यात सुधारणा करण्यासाठी, केंद्र सरकारने आज संसदेत एक विधेयक सादर केले आहे, ज्यावर सध्या चर्चा सुरू आहे. विरोधी पक्षनेते आणि मुस्लिमांचा एक मोठा वर्ग या विधेयकाच्या विरोधात आहे.
कोणत्या राज्यात किती वक्फ जमीन आहे?
भारतातील प्रत्येक राज्यात एक वक्फ बोर्ड आहे, जे वक्फ मालमत्तांवर नियंत्रण ठेवते. देशातील पाच राज्यांमध्ये वक्फकडे सर्वाधिक मालमत्ता आहेत. ही राज्ये उत्तर प्रदेश, तेलंगणा, आंध्र प्रदेश, कर्नाटक आणि पश्चिम बंगाल आहेत. एकट्या हैदराबादमध्ये वक्फकडे 77,000 मालमत्ता आहेत, म्हणूनच या शहराला भारताची वक्फ राजधानी म्हटले जाते.
हेही वाचा – 'आम्ही त्यांच्यासारख्या समित्या बनवत नाही…'; वक्फ विधेयकावरून अमित शहा यांची काँग्रेसवर टीका
तेलंगणाचे वक्फ बोर्ड हे देशातील सर्वात श्रीमंत वक्फ बोर्ड –
तथापि, तेलंगणा आणि आंध्र प्रदेशात वक्फच्या 1.2 लाख मालमत्ता आहेत. तेलंगणाचे वक्फ बोर्ड हे देशातील सर्वात श्रीमंत वक्फ बोर्ड आहे. याशिवाय, उत्तर प्रदेशात 1.5 लाख वक्फ मालमत्ता आहे. कर्नाटकातील बेंगळुरू, गुलबर्गा, बिदर येथे 30 हजार हून अधिक वक्फ मालमत्ता आहेत.
हेही वाचा – Waqf Amendment Bill: संसदेत वक्फ विधेयकावर चर्चा सुरू; सभापतींनी विरोधकांना बोलण्यासाठी दिला 'इतका' वेळ
सर्वात मौल्यवान वक्फ मालमत्ता असलेली राज्ये
हैदराबाद (तेलंगणा)
दिल्ली
अजमेर (राजस्थान)
मुंबई (महाराष्ट्र)
दरम्यान, आश्चर्यकारक गोष्ट म्हणजे जगात असे अनेक इस्लामिक देश आहेत जिथे वक्फ बोर्ड नाही. यात तुर्कीये, लिबिया, इजिप्त, सुदान, लेबनॉन, सीरिया, जॉर्डन, इराक आणि ट्युनिशिया या देशांचा समावेश आहे.
