Google Map Lead Driver To Pond Viral Video: गुगल मॅपवर चुकीचा मार्ग दाखवल्यामुळे यापूर्वीही इंटरनेटवर मीम्स व्हायरल झाले आहेत. पण कधीकधी चुकीचा मार्ग दाखवण्याचा मुद्दाही गंभीर ठरतो. मात्र, आता इंटरनेटवर व्हायरल झालेल्या व्हिडिओमध्ये, कार चालकाला आधीच तलाव दिसतो. त्यामुळे तो पुढे जात नाही. पण व्हिडिओ बनवून तो तिथलं सत्य दाखवतो.
आजच्या काळात, गुगल मॅप हे एका ठिकाणाहून दुसऱ्या ठिकाणी प्रवास करणाऱ्या लोकांसाठी खूप उपयुक्त अॅप बनले आहे. पण कधीकधी यामध्ये काही चुका देखील आढळतात. इंटरनेटवर व्हायरल झालेल्या एका व्हिडिओमध्ये, एका व्यक्तीने गुगल मॅप्सने केलेल्या अशाच एका चुकीबद्दल सांगितले आहे. ते पाहिल्यानंतर, आता नेटिझन्स त्या व्हिडिओवर मोठ्या प्रमाणात कमेंट करत आहेत.
हेही वाचा – म्याँव म्याँव.. मांजरीनं चपळाईनं केलं विमान हायजॅक; उड्डाण झालं 2 दिवस लेट, हुश्श.. अखेर अशी आली बाहेर..
काही नेटिझन्सनी त्या व्यक्तीला गुगल मॅप्स वापरण्याआधी अॅपच्या वैशिष्ट्यांबद्दल अधिक जाणून घेण्याचा सल्ला दिला आहे. तर, अनेक जण कमेंट सेक्शनमध्ये ‘तुमची गाडी पाण्यात चालत नाही का?’ असे लिहून चेष्टा करत आहेत. आतापर्यंत या रीलला लाखो व्ह्यूज मिळाले आहेत.
गुगल मॅपने दाखवला पाण्यात बुडी मारण्याचा मार्ग
या व्हिडिओमध्ये चालक सांगतो की, तो दिल्लीहून बक्सरला जात आहे. या काळात त्यांनी गुगल मॅपवर नवी दिल्लीचे स्थान टाकले आहे. पण या गुगल मॅपने त्याला आता पाण्याच्या काठाजवळ आणले आहे. अशा परिस्थितीत, तो आता लोकांना गुगल मॅप्सवर पूर्णपणे विश्वास ठेवू नका, असा सल्ला देत आहे. पूर्णपणे गुगल मॅपवर भरवसा ठेवला तर, फसू शकता, असे त्याने म्हटले आहे. या रीलला 1 लाखाहून अधिक व्ह्यूज आणि 1 हजाराहून अधिक लाईक्स मिळाले आहेत. तर पोस्टवर 400 हून अधिक कमेंट्स आल्या आहेत.
‘फेरी टाळा (avoid ferry)’ (फेरी – पाण्याचे घाट) वर टिक करा
या व्हिडिओमध्ये गुगल मॅपमध्येही जमीन सोडून रस्ता पाण्यातून दाखवला आहे. या मॅपमध्ये पाण्याचा निळा रंगही दिसत आहे. गुगल मॅप्स सेटिंग्जनुसार, जर तुम्ही ‘अवॉइड फेरी’ असे टिक केले तर, नकाशा तुम्हाला फक्त रस्त्याचा मार्ग दाखवेल. पण व्हिडिओ बनवणाऱ्या युजरला हे माहिती नाही. म्हणूनच त्याने हा व्हिडिओ बनवला आहे. 36 सेकंदांच्या या क्लिपमध्ये तो रस्ता चुकल्याबद्दल गुगल मॅप्सवर खापर फोडताना दिसत आहे.
या पोस्टवर नेटिझन्स खूप चेष्टा-मस्करी करत आहेत आणि कमेंट सेक्शनमध्ये कार ड्रायव्हरला विविध प्रश्न विचारत आहेत. एका युजरने लिहिले, ‘काय सांगताय.. याचा अर्थ तुमची गाडी पाण्यात चालत नाही?’ दुसऱ्या एका युजरने गंमतीने लिहिले की, जर तुम्हाला टोल वाचवायचा असेल तर, तुम्हाला फक्त जलमार्गाने प्रवास करावा लागेल. तिसरा वापरकर्ता म्हणाला, भाऊ, नकाशा नीट पाहायला शिका.
चौथ्या युजरने म्हटले की भाऊ, प्रथम ‘फेरी टाळा (avoid ferry)’ (फेरी – पाण्याचे घाट) वर टिक करा, तरच सर्व रस्ते स्पष्ट दिसतील. जर सर्व पर्याय सक्रिय असतील तर फक्त सर्वात लहान मार्ग दिसेल. भाऊ इथे तुमची चूक आहे, गुगल मॅप्सची नाही.
हेही वाचा – Viral Video : रिक्षा की मिनीबस? पाच-सहा नाही, चक्क 19 जण कोंबून भरले.. पोलीस म्हणाले, ‘पूरी फौज..!’
