Twitter Blue Bird Auction: ट्विटरच्या ब्लू बर्डचा झाला लिलाव; किती रुपयांना विकला गेला लोगो? जाणून घ्या

Twitter Blue Bird Auction: आज ज्या मायक्रोब्लॉगिंग प्लॅटफॉर्मचे नाव X आहे ते काही काळापूर्वी ट्विटर म्हणून ओळखले जात असे. जर तुम्ही ट्विटर वापरला असेल तर तुम्ही त्याचा लोगोही पाहिला असेल. हा निळ्या रंगाचा पक्षी मायक्रोब्लॉगिंग प्लॅटफॉर्मची ओळख बनला होता. पण, जेव्हा एलोन मस्कने ट्विटरची सूत्रे हाती घेतली तेव्हा त्यांनी प्लॅटफॉर्मचे नाव आणि त्याचा लोगो दोन्ही बदलले. तथापि, ट्विटरचा ब्लू बर्ड पुन्हा एकदा चर्चेत आला आहे.

ट्विटरच्या ब्लू बर्डचा लिलाव किती रुपयांमध्ये झाला?  

ट्विटरच्या ब्लू बर्डचा आता लिलाव झाला आहे. त्याच्या लिलावात मोठी रक्कम देण्यात आली. लिलाव प्रक्रियेत, ट्विटरच्या ब्लू बर्डचा लिलाव सुमारे 35000 डॉलर्समध्ये झाला. जर ही रक्कम भारतीय रुपयांमध्ये अंदाजे मोजली तर ती सुमारे 34 लाख रुपये आहे. 

हेही वाचा – T Coronae Borealis Explosion: पुढील आठवड्यात ब्रम्हाडांत होणार मोठा स्फोट! पृथ्वीपर्यंत पोहोचणार स्फोटोचा प्रकाश

लिलाव कंपनीने दिली माहिती –  

दुर्मिळ आणि संग्रहणीय वस्तूंचा लिलाव करणाऱ्या आरआर ऑक्शन कंपनीच्या मते, लिलावात आणलेल्या ट्विटर ब्लू बर्ड लोगोचे वजन सुमारे 254 किलोग्रॅम होते. या लोगाचा आकार 12 फूट × 9 फूट आहे. ट्विटरचा हा लोगो लिलावात सुमारे 34,375 अमेरिकी डॉलरमध्ये विकला गेला. सध्या, आरआर ऑक्शनने हे ट्विटर बर्ड कोणत्या व्यक्तीने किंवा संस्थेने खरेदी केले आहे हे उघड केलेले नाही.

हेही वाचा –Elon Musk यांना मोठा धक्का! Starship Rocket मध्ये प्रक्षेपणानंतर स्फोट; आकाशातून पडू लागले आगीचे गोळे, पहा व्हिडिओ

मस्क यांनी 2022 मध्ये ट्विटर विकत घेतले – 

ट्विटरशी संबंधित एखाद्या गोष्टीचा लिलाव होण्याची ही पहिलीच वेळ नाही. यापूर्वी, एलोन मस्क यांनी ट्विटर मुख्यालयातील साइन बोर्ड, ऑफिस फर्निचर आणि स्वयंपाकघरातील उत्पादनांचा लिलाव केला आहे. एलोन मस्क यांनी 27 ऑक्टोबर 2022 रोजी सुमारे 44 अब्ज डॉलर्सना ट्विटर विकत घेतले. त्याचे रीब्रँडिंग केल्यानंतर, त्यांनी या प्लॅटफॉर्मवर ब्लू सबस्क्रिप्शन सेवा सुरू केली. एलोन मस्कने एक्सची जबाबदारी घेतल्यापासून, त्यांनी त्यात अनेक बदल केले आहेत.