Robert Vadra Summoned By ED: हरियाणा जमीन घोटाळा प्रकरणात काँग्रेस नेत्या प्रियंका गांधी यांचे पती आणि उद्योगपती रॉबर्ट वाड्रा यांच्या अडचणी वाढत असल्याचे दिसून येत आहे. अंमलबजावणी संचालनालयाने (ED) त्यांना दुसऱ्यांदा समन्स बजावले आहे. ईडीने आज रॉबर्ट वाड्रा यांना चौकशीसाठी बोलावले आहे. वाड्रा यांना 8 एप्रिल रोजीही समन्स बजावण्यात आले होते, परंतु ते ईडी कार्यालयात पोहोचले नव्हते. आता गुरुग्राम जमीन व्यवहार प्रकरणात ईडीने रॉबर्ट वढेरा यांना आणखी एक समन्स बजावला आहे.
पीएमएलए अंतर्गत वाड्रा यांना समन्स पाठवण्यात आले आहेत. आज रॉबर्ट वाड्रा ईडी कार्यालयाकडे पायी निघाले आहेत. गुरुग्राम जमीन व्यवहार प्रकरणात ईडी रॉबर्ट वाड्रा यांची चौकशी करत आहे. रॉबर्ट वाड्रा ईडी कार्यालयात पोहोचले तेव्हा बाहेर मोठ्या संख्येने काँग्रेस कार्यकर्तेही उपस्थित होते. काँग्रेस कार्यकर्त्यांनी सरकारविरोधात घोषणाबाजी केली.
हेही वाचा – प्रियांका गांधींना मिळू शकते नवी जबाबदारी! पक्षाचे उपाध्यक्ष पद देण्याबाबत चर्चा सुरू
रॉबर्ट वाड्रा यांनी सांगितले की, 'हा राजकीय सूड आहे. सरकार केंद्रीय संस्थांचा गैरवापर करत आहे. गेल्या वीस वर्षांत मला 15 वेळा बोलावण्यात आले आणि प्रत्येक वेळी माझी 10 तासांपेक्षा जास्त वेळ चौकशी करण्यात आली. मी 23000 कागदपत्रे सादर केली आहेत.
काय आहे संपूर्ण प्रकरण?
तौरू येथील रहिवासी सुरेंद्र शर्मा यांच्या तक्रारीवरून 1 सप्टेंबर 2018 रोजी गुडगावमधील खेरकी दौला पोलिस ठाण्यात हा गुन्हा दाखल करण्यात आला. यामध्ये रॉबर्ट वड्रा यांच्या कंपनी स्कायलाईट हॉस्पिटॅलिटीवर इतरांशी संगनमत करून फसवणूक केल्याचा आरोप आहे. तक्रारीनुसार, फेब्रुवारी 2008 मध्ये, स्कायलाईट हॉस्पिटॅलिटीने गुडगावच्या शिकोहपूरमध्ये 7.5 कोटी रुपयांना 3.5 एकर जमीन खरेदी केली आणि नंतर व्यावसायिक परवाना मिळाल्यानंतर ती जमीन डीएलएफला 58 कोटी रुपयांना विकली.
हेही वाचा – PNB घोटाळ्यात ED च्या चौकशीत आतापर्यंत काय घडले? मेहुल चोक्सीकडून किती पैसे वसूल झाले? जाणून घ्या
माजी मुख्यमंत्री भूपेंद्र सिंह हुडा अडचणीत –
दरम्यान, या प्रकरणात हरियाणाचे माजी मुख्यमंत्री भूपेंद्र सिंह हुड्डा यांनाही आरोपी करण्यात आले आहे. या कराराच्या बदल्यात हुडा सरकारने गुडगावमधील वझिराबाद येथे डीएलएफला 350 एकर जमीन दिल्याचा आरोप आहे. हा करार व्यापक अनियमितता आणि कथित घोटाळ्याचा भाग असल्याचे मानले जाते.
