New Aadhaar App Launched: सध्या आधार कार्ड हे सर्वात महत्वाचे कागदपत्रांपैकी एक आहे. आधार कार्ड जवळजवळ प्रत्येक लहान-मोठ्या कामात वापरले जाते. आतापर्यंत आधार कार्डचा वापर प्रत्यक्ष केला जात होता. म्हणजेच तुम्हाला तुमच्या आधार कार्डची सॉफ्ट कॉपी किंवा आधार कार्डची हार्ड कॉपी द्यावी लागत होती, परंतु आता सरकारने ही प्रणाली संपवण्यासाठी आधार कार्ड अॅपमध्ये एक नवीन सुविधा आणली आहे.
नवीन आधार अॅप लाँच –
सरकार एका नवीन आधार मोबाईल अॅपची चाचणी घेत आहे, जे लवकरच देशभरात लाँच केले जाईल. या अॅपच्या मदतीने, आता ओळख सिद्ध करण्यासाठी आधार कार्ड किंवा त्याची फोटो प्रत आवश्यक राहणार नाही. लोक त्यांच्या स्मार्टफोनचा वापर करून त्यांची ओळख डिजिटल पद्धतीने दाखवू शकतील. या अॅपमध्ये फेस आयडी ऑथेंटिकेशन आणि क्यूआर कोड स्कॅनिंग सारखी वैशिष्ट्ये असतील. याचा अर्थ असा की जसे आपण UPI पेमेंट करतो, तसेच ओळख पुष्टीकरण देखील आता त्वरित केले जाऊ शकते.
हेही वाचा – RBI Repo Rate Cut: रेपो रेटमध्ये मोठी कपात! तुम्हाला फायदा होणार की तोटा ? जाणून घ्या
आधार अॅपमध्ये फेशियल रेकग्निशन तंत्रज्ञानाचा वापर –
दरम्यान, या आधार अॅपमध्ये फेशियल रेकग्निशन तंत्रज्ञानाचा वापर केला जाईल, ज्यामध्ये वापरकर्त्याचा लाईव्ह चेहरा आधार बनवताना घेतलेल्या बायोमेट्रिक डेटाशी जुळवला जाईल. या अॅपमध्ये एआय (कृत्रिम बुद्धिमत्ता) वापरण्यात आली आहे, जेणेकरून वापरकर्त्यांची गोपनीयता आणि सुरक्षा राखली जाईल. वापरकर्त्याच्या परवानगीशिवाय कोणताही डेटा शेअर केला जाऊ शकत नाही.
हेही वाचा – Bank Of Baroda ने सुरू केली नवीन FD योजना; 1 लाख रुपयांच्या गुंतवणुकीवर मिळेल 'इतका' परतावा
आधार अॅपचा होणार नागरिकांना फायदा –
आता या अॅपमुळे नागरिकांना प्रवास करताना विमानतळ किंवा रेल्वे स्टेशनवर आधार कार्ड सोबत बाळगण्याची गरज राहणार नाही. तसेच यामुळे हॉटेल चेक-इन प्रक्रिया जलद आणि सुरक्षित होईल. याशिवाय, दुकानदार आणि सेवा प्रदाते ग्राहकांना सहजपणे ओळखू शकतील. हे नवीन आधार अॅप सध्या बीटा चाचणीत आहे आणि ते फक्त काही मर्यादित लोकांना मिळाले आहे. लवकरच ते सर्वांसाठी सुरू करण्यात येईल.
