नवी दिल्ली: जगभरात वाढत्या भू-राजकीय तणावाच्या पार्श्वभूमीवर भारताने पुन्हा एकदा शांतता, संवाद आणि आंतरराष्ट्रीय कायद्याच्या भूमिकेवर भर दिला आहे. पंतप्रधान नरेंद्र मोदी यांनी गुरुवारी स्पष्ट शब्दांत सांगितले की, कोणत्याही समस्येचे कायमस्वरूपी समाधान केवळ लष्करी संघर्षातून होऊ शकत नाही. फिनलंडचे राष्ट्राध्यक्ष अलेक्झांडर स्टब यांच्यासोबत झालेल्या संयुक्त पत्रकार परिषदेत त्यांनी ही भूमिका मांडली.
पंतप्रधान मोदी म्हणाले की, भारत आणि फिनलंड दोन्ही देश आंतरराष्ट्रीय नियमांचा आदर, संवाद आणि कूटनीती यांवर विश्वास ठेवतात. “युक्रेन असो किंवा पश्चिम आशिया कोणताही प्रश्न फक्त युद्धातून सुटत नाही. जागतिक संस्थांमध्येही तातडीने सुधारणा होण्याची गरज आहे,” असे त्यांनी नमूद केले. सध्या अमेरिका आणि इराण यांच्यात वाढलेल्या संघर्षामुळे संपूर्ण मध्यपूर्वेत अस्थिरतेचे वातावरण निर्माण झाले आहे.
दरम्यान, अमेरिकन आणि इस्रायली कारवाईनंतर या संघर्षाला अधिक तीव्र वळण मिळाले. इराणमधील नेतृत्वावर झालेल्या हल्ल्यांनंतर मध्यपूर्वेत क्षेपणास्त्र आणि ड्रोन हल्ल्यांची मालिका सुरू झाली, ज्यामुळे परिस्थिती अधिक गंभीर बनली आहे. या घडामोडींमुळे जागतिक पातळीवर चिंतेचे वातावरण निर्माण झाले आहे.
भारत और फिनलैंड, दोनों, rule of law, dialogue और diplomacy में विश्वास रखते हैं। हम एकमत हैं कि केवल मिलिटरी कॉन्फ्लिक्ट से किसी भी मुद्दे का समाधान नहीं निकल सकता। यूक्रेन हो या पश्चिमी एशिया, हम संघर्ष की शीघ्र समाप्ति और शांति के हर प्रयास का समर्थन करते रहेंगे: PM… — PMO India (@PMOIndia) March 5, 2026
या पार्श्वभूमीवर आणखी एक महत्त्वाची घटना घडली. इराणच्या नौदलातील ‘IRIS Dena’ हे युद्धनौक श्रीलंकेच्या किनाऱ्याजवळ क्षेपणास्त्र हल्ल्यात सापडले. या हल्ल्यात जहाजावरील अनेक कर्मचाऱ्यांचा मृत्यू झाल्याची माहिती समोर आली आहे. इराणने सुरुवातीला या जहाजाचा भारताशी संबंध असल्याचे म्हटले असले, तरी सरकारी सूत्रांनी स्पष्ट केले की हे जहाज फक्त 16 ते 25 फेब्रुवारीदरम्यान भारतात काही दिवसांसाठी आले होते.
हे जहाज विशाखापट्टणम येथे आयोजित करण्यात आलेल्या आंतरराष्ट्रीय नौदल परेडमध्ये सहभागी झाले होते. 25 फेब्रुवारीनंतर जहाजाने भारताशी कोणताही संपर्क साधला नव्हता आणि नंतर झालेल्या हल्ल्याशी भारताचा काहीही संबंध नसल्याचेही स्पष्ट करण्यात आले आहे.
या चर्चेदरम्यान पंतप्रधान मोदी यांनी जागतिक परिस्थितीवरही भाष्य केले. त्यांनी सांगितले की सध्या जग अनिश्चितता आणि अस्थिरतेच्या काळातून जात आहे. युक्रेनपासून ते पश्चिम आशियापर्यंत अनेक भागांमध्ये संघर्ष सुरू असून अशा परिस्थितीत भारत आणि युरोप या दोन्ही शक्तींमधील सहकार्य अधिक महत्त्वाचे ठरत आहे.
हम इस बात पर भी एकमत हैं, कि बढ़ते हुए global challenges के समाधान के लिए Global institutions का reform, आवश्यक ही नहीं, urgent भी है। और आतंकवाद के हर रूप को जड़ से समाप्त करना हमारी साझी प्रतिबद्धता है: PM @narendramodi — PMO India (@PMOIndia) March 5, 2026
पंतप्रधानांनी पुढे भारत आणि युरोपियन युनियन यांच्यात नुकत्याच झालेल्या मुक्त व्यापार कराराचा उल्लेख केला. या करारामुळे व्यापार, गुंतवणूक आणि तंत्रज्ञान क्षेत्रातील सहकार्याला चालना मिळेल, असे त्यांनी सांगितले. डिजिटल तंत्रज्ञान, पायाभूत सुविधा आणि शाश्वत विकास यांसारख्या क्षेत्रांमध्ये भारत आणि फिनलंड यांच्यातील भागीदारी भविष्यात अधिक बळकट होईल, असा विश्वासही त्यांनी व्यक्त केला.
हेही वाचा: Rajya Sabha Elections: पार्थ पवार विधानभवनात दाखल; राज्यसभेसाठी भरणार उमेदवारी अर्ज
