रशियाच्या कामचटका द्वीपकल्पाच्या पूर्व किनाऱ्याजवळ एक शक्तिशाली भूकंपाची नोंद झाली आहे. जर्मन रिसर्च सेंटर फॉर जिओसायन्सेसने सांगितले की, भूकंपाची तीव्रता 7.4 होती आणि तो समुद्राच्या पृष्ठभागाखाली 10 किलोमीटर खोलीवर होता.
युनायटेड स्टेट्स जिओलॉजिकल सर्व्हे (USGS) ने भूकंपाची तीव्रता 7.4 आणि खोली 39.5 किलोमीटर ठेवली. डेटामध्ये फरक असूनही, दोन्ही एजन्सींनी तो खोल आणि शक्तिशाली भूकंप मानला आहे. भूकंपानंतर, पॅसिफिक त्सुनामी वॉर्निंग सिस्टीमने संभाव्य त्सुनामीचा इशारा जारी केला आणि म्हटले की या प्रदेशात धोका असू शकतो.
हेही वाचा – Sushila Karki Nepal PM : सुशीला कार्की नेपाळच्या पहिल्या महिला पंतप्रधान, घेतली शपथ
चीनच्या त्सुनामी चेतावणी केंद्रानेही सकाळी 10.37 वाजता (बीजिंग वेळेनुसार) माहिती जारी केली की कामचटका द्वीपकल्पाच्या पूर्व समुद्री भागात भूकंपाची नोंद झाली. केंद्राने सांगितले की भूकंपाची तीव्रता 7.1 होती आणि खोली 15 किलोमीटर होती. स्थानिक पातळीवर त्सुनामीचा धोका आहे.
हेही वाचा – 'स्वतःसाठी कोणताही आर्थिक लाभ…', करिश्मा कपूरच्या वकिलाचा न्यायालयात खुलासा, खटला करण्याचं सांगितलं कारण
1952 मध्ये कामचटकाला 9.0 रिश्टर स्केलच्या भूकंपाने हादरवून टाकले होते. हा भूकंप आतापर्यंतच्या सर्वात शक्तिशाली भूकंपांपैकी एक मानला जातो. त्या वेळी भूकंपामुळे प्रचंड विनाश झाला आणि मोठी त्सुनामी देखील आली.
