रियाध: हजला जाणाऱ्यांसाठी मोठी बातमी आहे. सौदी सरकारने 10 हजार भारतीय यात्रेकरूंसाठी हज पोर्टल पुन्हा उघडले आहे, अशी माहिती अल्पसंख्याक व्यवहार मंत्रालयाने मंगळवारी दिली. आता भारतातील 10 हजार यात्रेकरू हजला जाण्यासाठी अर्ज करू शकतात. मंत्रालयाने सांगितले की सौदी अरेबियाने संयुक्त हज ग्रुप ऑपरेटर्स (CHGOs) साठी हज (Nusuk) पोर्टल पुन्हा उघडण्यास सहमती दर्शविली आहे. सौदी सरकारने CHGO ला त्यांची प्रक्रिया कोणत्याही विलंबाशिवाय पूर्ण करण्याचे तात्काळ निर्देश दिले आहेत.
हज पोर्टल पुन्हा सुरू होणार –
प्राप्त माहितीनुसार, भारत सरकारच्या हस्तक्षेपानंतर, सौदी हज मंत्रालयाने 10 हजार यात्रेकरूंना सामावून घेण्यासाठी हज (https://www.nusuk.sa/) पोर्टल पुन्हा उघडण्यास सहमती दर्शविली आहे. सरकारच्या 2025 च्या हज धोरणानुसार, भारताला देण्यात आलेल्या एकूण हज यात्रेकरूंच्या कोट्यापैकी 70 टक्के कोटा भारतीय हज समितीद्वारे व्यवस्थापित केला जाईल, तर उर्वरित कोटा खाजगी हज गट आयोजकांना वाटप केला जाईल. सौदी अरेबियाने 2025 साठी भारताला 1,75,025 (1.75 लाख) चा कोटा दिला आहे, असे मंत्रालयाने म्हटले आहे.
हेही वाचा – अँटिलिया किंवा बुर्ज खलिफा; जाणून घ्या कोणती इमारत आहे सर्वाधिक महाग
गेल्या आठवड्यात, अल्पसंख्याक व्यवहार मंत्रालयाचे सचिव चंद्रशेखर कुमार, सहसचिव सीपीएस बक्षी यांच्यासह, भारतीय यात्रेकरूंसाठी सुरू असलेल्या हज तयारीचा आढावा घेण्यासाठी जेद्दाला भेट दिली होती. तथापी, केंद्रीय अल्पसंख्याक आणि संसदीय कामकाज मंत्री किरेन रिजिजू यांनी 11 जानेवारी ते 14 जानेवारी दरम्यान सौदी अरेबियाला भेट दिली होती.
हेही वाचा – 2025 मध्ये जगावर ओढावणार मोठं आर्थिक संकट! बाबा वांगाचे भाकीत खरे ठरले का?
हज यात्रेच्या तयारीबाबत दोन्ही देशांमध्ये द्विपक्षीय बैठक –
दरम्यान, या भेटीत हज यात्रेच्या तयारीबाबत महत्त्वाच्या चर्चा झाल्या. यामध्ये हज 2025 साठी द्विपक्षीय करारावर स्वाक्षरी करणे, हज आणि उमराह परिषद आणि प्रदर्शनाच्या उद्घाटन सत्रात उपस्थित राहणे आणि सौदी मान्यवरांसोबत द्विपक्षीय बैठका यांचा समावेश होता.
