2 जुलै रोजी मौल्यवान धातूंच्या बाजारात संमिश्र कल दिसून आला; यात सोन्याच्या दरात किंचित घट झाली, तर चांदीच्या दरांनी मात्र तेजीची मुसंडी मारली. आंतरराष्ट्रीय बाजारात (कोमेक्स) सोन्याच्या दरात 0.11 टक्क्यांची घसरण झाली असून, किंमत 4.40 डॉलरने कमी होऊन 4,078 डॉलर प्रति औंस इतकी झाली आहे. त्याच वेळी, चांदीच्या दरात 0.25 टक्क्यांची वाढ झाली असून ती 60.660 डॉलर प्रति औंस या दराने व्यवहार करत आहे.
देशांतर्गत बाजाराचा, विशेषतः MCX (मल्टी कमोडिटी एक्सचेंज) चा विचार करता, सोन्याच्या दरात घट झाली आहे, तर चांदीचे दर वधारले आहेत. MCX वर सोन्याच्या दरात सुमारे 170 रुपयांची घसरण होऊन ते प्रति 10 ग्रॅम 1,44,260 रुपयांवर आले आहेत. त्याच वेळी, चांदीच्या दरात 2,155 रुपयांची वाढ होऊन ती प्रति किलो 2,31,539 रुपयांवर व्यवहार करत आहे.
हेही वाचा – EPS 2026: नोकरदारांसाठी मोठी बातमी! केंद्र सरकारकडून नवीन कर्मचारी पेन्शन योजना जाहीर; जाणून घ्या काय बदललं?
ताज्या आकडेवारीनुसार, 24-कॅरेट सोन्याचा दर प्रति 10 ग्रॅम सुमारे 1.41 लाख रूपये आणि 22-कॅरेट सोन्याचा दर प्रति 10 ग्रॅम सुमारे 1.32 लाख रूपये इतका आहे; यात आदल्या दिवसाच्या तुलनेत घट झाली आहे. याउलट, चांदीच्या दरात वाढ होऊन ती प्रति किलो सुमारे 2.32 लाख या पातळीवर पोहोचली आहे, जी आदल्या दिवसाच्या आकडेवारीपेक्षा अधिक आहे.
