वॉशिंग्टन डी. सी. : अमेरिकेत राष्ट्राध्यक्ष पदासाठी झालेल्या निवडणुकीत रिपब्लिकन पक्षाच्या डोनाल्ड ट्रम्प यांचा विजय झाला. अमेरिकेच्या राष्ट्राध्यक्ष पदाची निवडणूक जिंकण्यासाठी किमान २७० इलेक्टोरल व्होट्स मिळवणे आवश्यक असते. ट्रम्प यांनी २९५ इलेक्टोरल व्होट्स मिळवत निवडणुकीत दणदणीत विजय मिळवला. डोनाल्ड यांच्या प्रतिस्पर्धी डेमोक्रॅटिक पक्षाच्या कमला हॅरिस यांना २२६ इलेक्टोरल व्होट्स मिळवता आल्या.
अमेरिकेच्या व्यवस्थेनुसार २० जानेवारी २०२५ रोजी डोनाल्ड ट्रम्प अमेरिकेचे ४७ वे राष्ट्राध्यक्ष म्हणून शपथ घेतील. याआधी डोनाल्ड ट्रम्प २०१७ ते २०२१ या कालावधीत अमेरिकेच्या राष्ट्राध्यक्ष पदावर कार्यरत होते. त्यांचा निवडणुकीत पराभव झाला आणि डेमोक्रॅटिक पक्षाच्या जो बायडेन यांनी विजय मिळवत अमेरिकेचे ४६ वे राष्ट्राध्यक्ष म्हणून शपथ घेतली होती. बायडेन प्रशासनात उपराष्ट्राध्यक्ष असलेल्या कमला हॅरिस यंदाच्या निवडणुकीत डोनाल्ड ट्रम्प यांच्या विरोधात निवडणूक लढवत होत्या. बायडेन यांनी तब्येत साथ देत नसल्याचे कारण देत राष्ट्राध्यक्ष पदाच्या निवडणुकीतून बाहेर पडण्याचा निर्णय घेतला होता.
ट्रम्प यांची कारकिर्द
