मुंबई, ७ फेब्रुवारी २०२४,प्रतिनिधी : हिंदी सिनेसृष्टीचे दिग्गज अभिनेते धर्मेंद्र आणि हेमा मालिनी यांची मुलगी आणि अभिनेत्री ईशा देओलने पती भरत तख्तानीपासून विभक्त होण्याची घोषणा केली आहे. बऱ्याच दिवसांपासून हे जोडपे वेगळे झाल्याच्या बातम्या येत होत्या. सोशल मीडिया युजर्सच्या हे देखील लक्षात आले होते की ईशा आणि भरत बऱ्याच काळापासून कोणत्याही पार्टी किंवा कार्यक्रमात एकत्र दिसत नाहीत. आता अफवांना पुष्टी देत या जोडप्याने ते वेगळे झाल्याचे जाहीर केले आहे. हे सर्व दोघांच्या परस्पर संमतीने झाले आहे.
