एनआयएने काही दिवसांपूर्वी दाऊदच्या विरोधात गुन्हा नोंदविला होता. त्याचनुसार दाऊदच्या मुंबईतील २० ठिकाणांवर एनआयएचा छापेमारी करण्यात आली. दाऊदच्या संबंधित अनेक जणांवर एनआयएचे छापेमारी कऱण्यात आली आहे . एनआयएने दाऊदचा सहकारी सलीम फ्रूटला ताब्यात घेण्यात आलं आहे. काही महत्त्वाची कागदपत्रेही जप्त करण्यात आली. हवाला ऑपरेटरशी संबंधित ठिकाणांवर एनआयएचा छापेमारी करण्यात आली. नागपाडा, सांताक्रूझ, भायखळा, परळ, गोरेगावमध्ये छापेमारी केली आहे.
छाप्याबाबत माहिती देताना एनआयनं सांगितलं, अंडरवर्ल्ड डॉन दाऊद इब्राहिमच्या साथीदारांच्या घरांवर अनेक ठिकाणी एनआयएचे छापेमारी सुरू झाली आहे. तपास एजन्सीने सांगितले, अनेक हवाला ऑपरेटर आणि ड्रग्ज पेडलर दाऊदशी जोडलेले होते आणि एनआयएने फेब्रुवारीमध्ये या संदर्भात कारवाई केली.. या वर्षी फेब्रुवारीमध्ये एनआयएने दहशतवादी कारवाया संघटित गुन्हेगारी आणि भारतात अशांतता निर्माण करण्याच्या उद्देशाने डी-कंपनीचे शीर्ष नेतृत्व आणि ऑपरेटर यांच्या सहभागाशी संबंधित गुन्हा दाखल केला होता. त्यांच्यावर बेकायदेशीर प्रतिबंधक कायद्यांतर्गत कारवाई करण्यात आली आहे.
एनआयए डॉन दाऊद इब्राहिमद्वारे चालवल्या जाणार्या अंडरवर्ल्ड नेटवर्कच्या सदस्यांनी त्यांच्या कराची, पाकिस्तानमधील सुरक्षित आश्रयस्थानातून केलेल्या गुन्हेगारी आणि दहशतवादी कृत्यांच्या संपूर्ण भागावर देखरेख आणि तपास करत आहे. हे तेच प्रकरण आहे ज्यात एनआयए प्रकरणाच्या आधारे महाराष्ट्राचे मंत्री नवाब मलिक यांना अंमलबजावणी संचालनालयाने अटक केली होती.
