YouTube AI Feature: आजकाल इंटरनेटवर मुलं तासंतास व्हिडिओ पाहत असतात. त्यात YouTube हे सर्वाधिक वापरलं जाणारं प्लॅटफॉर्म आहे. मात्र पालकांची सर्वात मोठी चिंता म्हणजे Adult किंवा अयोग्य कंटेंट मुलांच्या नजरेस पडू नये ही. हाच विचार लक्षात घेऊन YouTube ने एक नवीन AI-समर्थित फीचर सुरू केलं आहे, जे मुलांचं वय ओळखून त्यांना Adult Content पासून दूर ठेवणार आहे.
काय आहे हे नवं फीचर?
YouTube ने आपल्या Age Estimation Tool मध्ये सुधारणा करत AI चा वापर सुरू केला आहे. हे टूल वापरकर्त्याच्या खात्याच्या हालचाली तपासून ठरवतं की खाते प्रौढ व्यक्तीकडे आहे की अल्पवयीन मुलांकडे. यासाठी व्हिडिओ शोध, पाहण्याचा वेळ, व्हिडिओची निवड आणि खाते तयार करताना दिलेली माहिती यांचा वापर केला जातो.
पालकांची चिंता कमी होणार
पालकांसाठी ही निश्चितच दिलासा देणारी बातमी आहे. कारण मुलांनी चुकीची वयाची माहिती टाकून खाते उघडल्यास हे टूल त्यांना ओळखेल. त्यानंतर अशा खात्यांना स्वयंचलितपणे किरकोळ खाते (Minor Account) म्हणून सेट करण्यात येईल. परिणामी, प्रौढांसाठी असलेले व्हिडिओ मुलांच्या खात्यांवर दिसणारच नाहीत.
युजर्सना आलेल्या अडचणी
नवीन बदलानंतर काही प्रौढ युजर्सची खाती चुकून अल्पवयीन खात्यात बदलली गेल्याची तक्रार समोर आली आहे. Reddit आणि इतर प्लॅटफॉर्मवर अनेकांनी याबाबत पोस्ट्स केल्या आहेत. अशा युजर्सना YouTube कडून पॉप-अप संदेश मिळाला ज्यात त्यांचे खाते वय पडताळणी अयशस्वी झाल्याचे नमूद करण्यात आले.
खातं परत Adult मोडमध्ये कसं आणायचं?
जर एखादं प्रौढ खातं चुकून किरकोळ खात्यात रूपांतरित झालं असेल तर युजरने आपलं वय सिद्ध करावं लागेल. त्यासाठी सरकारी ओळखपत्र, जन्म प्रमाणपत्र, क्रेडिट कार्ड डिटेल्स किंवा सेल्फी अपलोड करावा लागेल. पडताळणी यशस्वी झाल्यास खाते परत प्रौढ स्वरूपात पुनर्संचयित केलं जाईल. पण जर वय पडताळणी अयशस्वी झाली तर ते खाते कायमस्वरूपी अल्पवयीन म्हणूनच राहील.
हेही वाचा:Google 27th Birthday ! : कुतूहल अजूनही जागृत! खास डूडलसह जाणून घ्या, गुगल सर्चची यशोगाथा
Google ची भूमिका
YouTube चं हे पाऊल मुलांच्या डिजिटल सुरक्षेसाठी महत्त्वाचं ठरणार आहे. Google ने स्पष्ट केलं आहे की, याचा उद्देश केवळ चुकीच्या वयाची माहिती टाकून अल्पवयीन मुलांनी प्रौढ कंटेंट पाहू नये, यासाठी आहे.
YouTube चं हे नवं AI फीचर नक्कीच पालकांसाठी आश्वासक आहे. इंटरनेटच्या या युगात मुलांना सुरक्षित वातावरण मिळणं अत्यावश्यक आहे. जर काही प्रौढ युजर्सना चुकीचा परिणाम झाला तरी वय पडताळणीची सोय करून YouTube ने त्यावर उपाय दिला आहे. त्यामुळे पुढील काळात हे तंत्रज्ञान मुलांच्या सुरक्षेच्या दृष्टीने मोठं पाऊल ठरणार आहे.
