मुंबई: आज 31 मार्च 2026 रोजी देशभरात पेट्रोल आणि डिझेलच्या किमती स्थिर राहिल्याचे दिसून आले. आज सकाळी जाहीर करण्यात आलेल्या दरांनुसार, राष्ट्रीय राजधानी दिल्लीमध्ये साध्या पेट्रोलची किंमत प्रति लिटर 94.77 रुपये असून डिझेल 87.67 रुपये दराने विकले जात आहे. तसेच XPN5 पेट्रोल 101.89 रुपये आणि XG डिझेल 91.49 रुपये प्रति लिटर दराने उपलब्ध आहे.
देशातील प्रमुख शहरांमध्येही इंधनाचे दर जवळपास स्थिरच आहेत. मुंबईमध्ये पेट्रोल 103.54 रुपये तर डिझेल 90.03 रुपये प्रति लिटर आहे. कोलकातामध्ये पेट्रोल 105.45 रुपये आणि डिझेल 92.02 रुपये दराने विकले जात आहे. चेन्नईमध्ये पेट्रोल 100.80 रुपये आणि डिझेल 92.39 रुपये आहे.
जयपूरमध्ये पेट्रोल 104.88 रुपये आणि डिझेल 90.36 रुपये आहे, तर बंगळूरमध्ये पेट्रोल 102.92 रुपये आणि डिझेल 90.99 रुपये प्रति लिटर दराने उपलब्ध आहे. लखनऊमध्ये पेट्रोल 94.65 रुपये आणि डिझेल 87.76 रुपये आहे. पटण्यात पेट्रोल 105.18 रुपये आणि डिझेल 92.04 रुपये दर आहे.
विशेष म्हणजे, अंदमान-निकोबारमधील पोर्ट ब्लेयर येथे देशातील सर्वात स्वस्त इंधन दर पाहायला मिळत आहेत. येथे पेट्रोल 82.46 रुपये आणि डिझेल 78.05 रुपये प्रति लिटर दराने उपलब्ध आहे, जे इतर शहरांच्या तुलनेत खूपच कमी आहे.
दरम्यान, केंद्र सरकारने अलीकडेच सामान्य नागरिकांना दिलासा देण्यासाठी पेट्रोल आणि डिझेलवरील उत्पादन शुल्कात (एक्साइज ड्यूटी) प्रत्येकी 10 रुपयांची कपात केली आहे. या निर्णयामुळे इंधनाच्या किमती स्थिर राहण्यास मदत झाली आहे.
सरकारच्या या निर्णयामागे देशात डिझेल आणि एटीएफचा पुरेसा साठा राखणे आणि जागतिक स्तरावरील पुरवठ्यातील अनिश्चिततेतही ऊर्जा सुरक्षेला प्राधान्य देणे हा उद्देश असल्याचे सांगितले जात आहे. तसेच तेल कंपन्यांवरील आर्थिक ताण कमी होऊन इंधन दरांमध्ये स्थिरता राखण्यासही याचा फायदा होत आहे.
