EPF Interest Rate: PF धारकांसाठी आनंदाची बातमी; ‘या’ महिन्यांत खात्यात जमा होणार व्याजाचे पैसे

EPF Interest Rate:  भविष्य निर्वाह निधी संघटनेच्या (EPFO) कोट्यवधी सभासदांसाठी एक अत्यंत महत्त्वाची आणि आनंदाची बातमी आहे. केंद्र सरकारने आर्थिक वर्ष 2025-26 या कालावधीसाठी पीएफ खात्यावरील व्याजदराची अधिकृत घोषणा केली आहे. सरकारने यंदाही पगारदार वर्गाला दिलासा देत व्याजाचा दर 8.25 टक्के वर स्थिर ठेवला आहे. विशेष म्हणजे, व्याजदरात कोणताही बदल न करता तो कायम ठेवण्याचे हे सलग 3 रे वर्ष आहे. यामुळे कर्मचाऱ्यांना त्यांच्या सेवानिवृत्तीच्या (Retirement) निधीवर सुरक्षित आणि हमखास परतावा मिळण्याचा मार्ग मोकळा झाला आहे.

ऑक्टोबर-नोव्हेंबरमध्ये खात्यात जमा होणार व्याजाची रक्कम
व्याजदराची घोषणा झाल्यानंतर आता कर्मचाऱ्यांना त्यांच्या खात्यात पैसे कधी जमा होणार, याची उत्सुकता लागली आहे. कामगार आणि वित्त मंत्रालयाच्या अंतिम तांत्रिक व प्रशासकीय मंजुरीनंतर, EPFO कडून निधी हस्तांतरणाची प्रक्रिया सुरू केली जाते. सर्वसाधारणपणे, चालू आर्थिक वर्षाचा पहिला सहामाही कालावधी संपल्यानंतर, म्हणजेच ऑक्टोबर आणि नोव्हेंबर महिन्यांच्या दरम्यान ही व्याजाची रक्कम सभासदांच्या खात्यात एकरकमी वर्ग केली जाते. जरी हे पैसे वर्षाच्या शेवटी एकदाच जमा होत असले, तरी या व्याजाची गणिती गणना मात्र दरमहा उपलब्ध असणाऱ्या शिल्लक रकमेच्या आधारे केली जाते.

हेही वाचा – Ladki Bahin Yojana: लाडक्या बहिणींनो, योजनेच्या पैशांबाबत आली सर्वात मोठी अपडेट! जाणून घ्या, जून महिन्याचा हप्ता कधी जमा होणार

उमंग (UMANG) ॲप आणि मिस्ड कॉलद्वारे घरबसल्या बॅलन्स तपासा
तुमच्या पीएफ खात्यात व्याजाचे पैसे जमा झाले आहेत की नाही, हे तपासण्यासाठी आता कार्यालयात जाण्याची गरज नाही. तुम्ही तुमच्या स्मार्टफोनवर 'UMANG' ॲप डाउनलोड करून, त्यातील 'EPFO' पर्यायावर जाऊन 'View Passbook' द्वारे आपला UAN क्रमांक आणि OTP टाकून अवघ्या 2 मिनिटांत शिल्लक रक्कम पाहू शकता. याशिवाय, इंटरनेट सुविधा नसणारे नागरिक त्यांच्या नोंदणीकृत मोबाईल क्रमांकावरून 011-22901406 या क्रमांकावर फक्त एक 'मिस्ड कॉल' देऊनही, काही सेकंदांत SMS द्वारे आपल्या खात्यातील जमा पुंजी आणि शेवटच्या योगदानाची माहिती मिळवू शकतात.