मुंबई: उन्हाळा ऋतू सर्वांसाठी आव्हानात्मक असू शकतो. या ऋतूमध्ये आरोग्याची अतिरिक्त काळजी घेणे गरजेचे आहे. उन्हाळ्यात तापमान वाढल्यामुळे जास्त घाम येणे, उष्णतेमुळे पुरळ येणे, जळजळ होणे आणि खाज सुटणे ही समस्या उद्भवते. याचा त्रास सर्वांनाच होतो. तर महिलांसाठी हा ऋतू आणखी आव्हानात्मक असू शकतो. विशेषतः जेव्हा मासिक पाळी येते.
या ऋतूमध्ये उष्णता, घाम, आर्द्रता यामुळे मासिक पाळी दरम्यान संसर्गाचा धोका वाढतो. यासोबतच त्याची लक्षणे देखील वाढू लागतात. जास्त रक्तस्त्राव, पोटात दुखणे तसेच थकवा यासारख्या समस्या दिसून येतात. सहसा महिला सामान्य मानून त्याकडे दुर्लक्ष करतात. पण उन्हाळ्यात हार्मोनल बदलांमुळे हे घडते.
उष्णतेमध्ये आपले शरीर कसे प्रतिक्रिया देते?
आपल्या मासिक पाळी हार्मोन्सपासून येतात (जसे की इस्ट्रोजेन आणि प्रोजेस्टेरॉन). हे हार्मोन्स ताण, झोप आणि पाण्याच्या सेवनामुळे प्रभावित होतात. उन्हाळ्यात तापमान वाढल्यामुळे आपल्याला जास्त घाम येतो. त्यामुळे आपले शरीर लवकर डिहायड्रेट होते. तसेच, उन्हाळ्यात आपल्याला व्यवस्थित झोप येत नाही. खाण्याच्या सवयी देखील बिघडतात. या सर्व गोष्टी आपल्या हार्मोन्सवर परिणाम करतात आणि त्याचा थेट परिणाम मासिक पाळीवर दिसून येतो.
हेही वाचा: मधुमेह असल्याने साखरेऐवजी गूळ खाताय? शुगरचं नाही तर डोक्याचा तापही वाढेल, जाणून घ्या…
डिहायड्रेशनचे काय परिणाम होतात?
खरंतर, पाण्याअभावी रक्त जाड होते. त्यामुळे मासिक पाळीच्या वेळी जास्त गुठळ्या तयार होऊ लागतात आणि त्यामुळे वेदनाही वाढू शकतात.
उष्णतेमध्ये रक्तवाहिन्या का वाढतात?
याशिवाय, उन्हाळ्यात शरीराच्या नसा वाढू लागतात. त्यामुळे शरीर थंड राहण्यासाठी जास्त रक्त वाहू शकते. हे अतिरिक्त रक्त गर्भाशयात देखील पोहोचते, ज्यामुळे रक्तस्त्राव वाढतो. ज्या महिलांना आधीच जास्त रक्तस्त्राव होतो त्यांना उन्हाळ्यात अधिक समस्या येऊ शकतात.
स्वतःचे रक्षण कसे करावे?
भरपूर पाणी प्या.
तुमच्या आहारात जास्त पाणी असलेली फळे समाविष्ट करा.
फक्त हलके आणि थंड अन्न खा.
थोडा हलका व्यायाम करा.
चांगली झोप घ्या.
( ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.)
