Meerut Murder: मेरठमध्ये पुन्हा एकदा एक भयानक घटना समोर आली आहे. एका महिलेने तिच्या पतीची निर्घृण हत्या केली. सध्या, बहुचर्चित सौरभ हत्याकांडातील आरोपी मुस्कान रस्तोगी आणि साहिल शुक्ला यांना सौरभ हत्याकांडात अटक करण्यात आली होती. आता मेरठमध्ये पुन्हा पत्नीने तिच्या प्रियकरासह तिच्या पतीची हत्या केल्याची खळबळजनक घटना उघडकीस आली आहे. पत्नीने तिच्या पतीला विषारी सापाने 10 वेळा दंश करायला लावला. पोस्टमार्टम रिपोर्टमध्ये हे संपूर्ण प्रकरण उघड झाले आहे.
पत्नीने सापाच्या मदतीने घेतला पतीचा जीव –
पत्नीने सापाच्या मदतीने आपल्या पतीचा जीव घेतला. मिळालेल्या माहितीनुसार, तिने तिच्या पतीला मारण्यासाठी साप बेडवर सोडला होता. नंतर सापाने महिलेच्या पतीला 10 वेळा चावा घेतला.
पत्नी आणि प्रियकर हत्येच्या कटात सहभागी –
शवविच्छेदन अहवाल आल्यानंतर, पोलिस अॅक्शन मोडमध्ये आले असून त्यांनी अमितची पत्नी रविता हिची चौकशी केली. कठोर चौकशीदरम्यान तिने कबूल केले की तिने तिचा प्रियकर अमरदीपसोबत मिळून तिच्या पतीची हत्या केली. शनिवारी रात्री दोघांनी प्रथम अमित झोपेत असताना त्याचा गळा दाबून खून केला आणि नंतर त्याचा मृत्यू साप चावल्याने झाला हे सिद्ध करण्यासाठी मृतदेहाजवळ साप सोडला.
हेही वाचा – खळबळजनक घटना; डॉक्टरांच्या निष्काळजीपणामुळे आणखी एका महिलेचा मृत्यू
शवविच्छेदन अहवालात झाला खुलासा –
दरम्यान, घटनेची बातमी कळताच गावात एकच खळबळ उडाली. शेजारच्या गावातून एका सर्पमित्राला बोलावण्यात आले ज्याने साप पकडला. सुरुवातीला, पोलिस हा नैसर्गिक मृत्यू मानत होते आणि एफआयआर दाखल न करता अंत्यसंस्काराची तयारी केली जात होती, परंतु शेवटच्या क्षणी पोलिसांनी सतर्कता दाखवली आणि शवविच्छेदन केले. अहवालात गळा दाबून खून झाल्याचे सिद्ध होताच या प्रकरणाने एक नवीन वळण घेतले.
हेही वाचा – बीड पुन्हा हादरलं! माजलगावमध्ये भाजप पदाधिकाऱ्याची भरदिवसा धारदार शस्त्राने हत्या
पत्नीने कबूल केला गुन्हा –
तथापि, लोकांच्या संशयावरून पोलिसांनी मृत अमितची पत्नी रविता हिला ताब्यात घेतले आणि तिची चौकशी केली. त्यानंतर रविताने तिचा गुन्हा कबूल केला आणि सांगितले की तिने तिचा प्रियकर अमरदीपसोबत मिळून अमितची हत्या केली. रविताने सांगितले की, तिने 1000 रुपयांना एक साप विकत घेतला होता, ज्याच्या मदतीने तिने अमितला मारले.
