प्रेमविवाहानंतर अवघ्या चार महिन्यांनी एका पतीने आपल्या पत्नीचा गळा दाबून खून केला. घटनेच्या काही तासांनंतर आरोपीने महाराजपूर पोलिस ठाण्यात आत्मसमर्पण केले. शनिवारी आरोपी पोलिस ठाण्यात पोहोचला आणि तो रडत निरीक्षकांना म्हणाला, "साहेब, मी माझ्या पत्नीचा गळा दाबून खून केला आहे. तिचा मृतदेह घरी ब्लँकेटमध्ये गुंडाळलेला आहे." यामुळे ठाण्यात गोंधळ उडाला. पोलिसांनी त्याला ताबडतोब ताब्यात घेतले आणि त्याची चौकशी सुरू केली.
पोलिसांनी दिलेल्या माहितीनुसार, सचिनने चार महिन्यांपूर्वी त्याच्या कुटुंबाच्या इच्छेविरुद्ध त्याच्या गावातील रहिवासी श्वेता सिंगसोबत कोर्ट मॅरेज केले. कुटुंबाच्या नाराजीमुळे ते दोघे सुरतला गेले, जिथे सचिनने एका खाजगी कारखान्यात नोकरी स्वीकारली. पण, एका महिन्यानंतर ते कानपूरला परतले आणि महाराजपूरच्या रुमा भागात भाड्याने राहायला लागले. सचिनने उदरनिर्वाहासाठी ऑटोरिक्षा चालवायला सुरुवात केली. १३ जानेवारी रोजी तो फतेहपूरमधील चौदगरा येथे गेला. परंतु, शनिवारी रात्री १ वाजण्याच्या सुमारास अचानक घरी आला.
घरी पोहोचल्यावर सचिनने पाहिलेले दृश्य पाहून तो संतापला. त्याने श्वेताला दोन तरुणांसोबत बेडवर रोमान्स करताना पाहिले. हे लोक जवळच्या अभियांत्रिकी महाविद्यालयात शिकतात आणि सचिनच्या घरासमोर राहतात. संतापलेल्या सचिनने व्हिडिओ बनवण्याचा प्रयत्न केला. परंतु श्वेता आणि त्या तरुणांनी त्याचा मोबाईल हिसकावून घेतला आणि त्याच्यावर हल्ला केला.
आवाज ऐकून शेजाऱ्यांनी ११२ ला फोन केला. पोलीस आले आणि सर्वांना पोलिस ठाण्यात घेऊन गेले. चौकशी केल्यानंतर, पोलिसांनी सचिन आणि श्वेता यांना इशारा दिला आणि त्यांना घरी पाठवले, तर, तरुणांना ताब्यात घेतले. घरी परत येताच सचिनचं श्वेतासोबत जोरदार भांडण झालं. श्नवेताने त्याला धमकी दिली. “सकाळपर्यंत त्या मुलांची सुटका करेन. पण तू राहणार नाही. तू भले मला मारुन टाकं. पण मी त्या दोघांसोबतच राहणार” असं तिने सांगितल. हे ऐकून संतापलेल्या सचिनने श्वेताचा गळा आवळला. त्यामुळे तिचा मृत्यू झाला.
घटनेनंतर सचिन पळून जाण्याचा प्रयत्न करत फिरत राहिला. पण सकाळी तो ३-४ तास घड्याळाच्या टॉवरजवळ बसून विचार करत बसला. शेवटी, त्याला समजले की दोघे पळून गेले आहेत आणि लग्न केले आहे आणि आता त्यांचे कोणीही नाही, म्हणून तो पोलिस स्टेशनमध्ये आला. त्याने पोलिसांसमोर जाऊन गुन्ह्याची कबुली दिली.
